ق ر پرەزيدەنتتىگىنە ۇمىتكەرلەردى ۇسىنۋ اياقتالدى

16- ناۋرىزعا قاراعان تۇنگى ساعات 00-01 دە ورتالىق سايلاۋ كوميسسياسىنا 27 ءوتىنىش تىركەلگەنىن اتاپ وتكەن ول: «ەرتەڭ ءبىز قولداعى بارلىق ماتەريالدارى وڭدەيمىز دە قانشا ادامنىڭ شىعىپ قالعانىن ءمالىم ەتەمىز. قازىرگى ۋاقىتتا ءبىزدىڭ قولىمىزدا ساياسي ناۋقاننان باس تارتۋ ماتەريالدارى، ەمتيحانعا كەلمەي قالعان ۇمىتكەرلەر بار. 18- ناۋرىزعا دەيىن لينگۆيستيكالىق كوميسسيا جۇمىس ىستەيتىن بولادى. ءبىز كەستەسىن جاسادىق. ودان ارى قالاي ءوربيتىنىن كورەمىز»، - دەدى ول.

ايتا كەتەيىك، وسى ساتكە دەيىن 27 ازامات پرەزيدەنتتىككە ۇمىتكەر رەتىندە ۇسىنىلدى. ولاردىڭ ەكەۋىن ساياسي پارتيالار ۇسىنسا، 25 ءى ءوزىن-ءوزى ۇسىنىپ وتىر. وسى 27 ادامنىڭ ىشىندە 10 ادامعا پرەزيدەنتتىككە ۇمىتكەر رەتىندە تىركەۋدەن باس تارتىلدى. ولاردىڭ ىشىندە 2 ادام جاسى 40 قا تولماۋىنا جانە 8 ادام لينگۆيستيكالىق كوميسسيا سىنىنان وتە الماۋىنا بايلانىستى تىركەلمەدى. ءۇش ۇمىتكەر لينگۆيستيكالىق كوميسسيانىڭ ەمتيحانىنا كەلمەدى جانە ءبىر ادام ءوزىنىڭ ءوتىنىشىن قايتىپ الدى. 5 ۇمىتكەر لينگۆيستيكالىق كوميسسيادان، باسقا دا تەكسەرۋلەردەن ءوتىپ، ق ر كونستيتۋتسياسى مەن «سايلاۋ تۋرالى» زاڭىنا سايكەس دەپ تانىلدى. ونىڭ ىشىندە ن. نازاربايەۆ كانديدات رەتىندە تىركەلدى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى