قازاقستاندا بەدەۋ ەركەكتەردىڭ كوبەيۋى مامانداردى الاڭداتىپ وتىر
وتكەن جىلى جاساندى جولمەن بالا تۋۋ مۇمكىندىگى 600 ايەلگە بەرىلسە، بيىل وعان 750 نازىكجاندى قول جەتكىزەدى.
ال ۇكىمەت كومەگىنە جۇگىنبەي، ە ك و جاسايمىن دەگەندەردىڭ قالتاسى 800 مىڭ تەڭگەگە قاعىلادى. قازىرگى تاڭدا بەدەۋلىك اۋقىمى وزەكتى ماسەلەگە اينالۋدا. ستاتيستيكالىق مالىمەتتەرگە سەنسەك، ەلىمىزدەگى ءاربىر 3- جۇپ بالا تابا الماي وتىر.
الايدا بۇل تۇيتكىلدىڭ شەشىمى بار. ول - ەكستراكورپورالدى ۇرىقتاندىرۋ. ماسەلەن، ورتالىق ماماندارىنىڭ كومەگىمەن 300 گە جۋىق ءسابي دۇنيەگە كەلدى. ەكستراكورپورالدى ۇرىقتاندىرۋ ءساتتى جۇزەگە اسۋى ءۇشىن ۇرىقتى ساقتاۋ شارتتارىن ورىنداۋ قاجەت.
ونىمەن اينالىساتىن مامان ول - ەمبريولوگ. ءاربىر بيوماتەريال ارنايى تۇتىكشەگە سالىنادى. ىدىستىڭ ىشىندەگى تەمپەراتۋرا196 گرادۋستان ارتىق بولماۋى ءتيىس.
«ءبىز ىدىستى ازوتپەن تولتىرامىز. قاجەتتى تەمپەراتۋرانى ساقتاپ وتىرامىز. ايتپەسە بيولوگيالىق ماتەريالدار جويىلۋىپ كەتۋى مۇمكىن. انالىق جاسۋشا ەر ادامنىڭ ۇرىعىنان بولەك تۇرادى. ءار ىدىستا ونىڭ يەسىنىڭ اتى- ءجونى جازىلادى. قانشا جىل وتسە دە، بيوماتەريال ءوز قاسيەتتەرىن جوعالتپايدى»، - دەيدى كلينيكالىق ەمبريولوگ نويرا نىعمەتوۆا.
مامانداردىڭ ايتۋىنشا، قازىرگى كەزدە ە ك و دونورىن تابۋ وڭاي ەمەس. بيولوگيالىق ماتەريالىن تاپسىرىپ، اقشا تابامىن دەگەندەر از بولماعانىمەن، كوبى قويىلعان تالاپقا ساي كەلمەيدى. ونىڭ سەبەبى ءتۇرلى سوز اۋرۋلارىنىڭ بولۋىندا.
«وسىنداي ينفەكتسيا سالدارىنان بەدەۋلىككە ۇشىراعان ەر ازاماتتاردىڭ سانى جىل سايىن ارتىپ كەلەدى» دەيدى ماماندار.
«5-6 جىل بۇرىن ەر ادامنىڭ بەدەۋلىگى %30-35 دى قۇراسا، بۇگىندە %60 عا دەيىن ءوسىپ تۇر. جاستارعا قاراعاندا 45 جاستاعىلار اراسىندا بەدەۋلىك كوبەيدى. قازىر 30-35 جاستاعى بەدەۋلىگى بار جىگىتتەردىڭ پايىزدىق مولشەرى دە كوبەيە باستادى»، - دەيدى ۋرولوگ اقىلبەك پىشەنبايەۆ.
ينفەكتسيالىق اۋرۋلارعا شالدىققان نازىكجاندىلارعا دا جۇكتى بولۋدىڭ جاساندى ءتاسىلىن قولدانباعان ابزال. مۇنداي دياگنوز ە ك و- نىڭ ءساتتى جاسالۋىنا كەدەرگى. ال انا بولامىن دەگەن ايەلدىڭ جاسىنا شەكتەۋ جوق.
5-6 جىل بۇرىن ەر ادامنىڭ بەدەۋلىگى %30-35 دى قۇراسا، بۇگىندە %60 عا دەيىن ءوسىپ تۇر. جاستارعا قاراعاندا 45 جاستاعىلار اراسىندا بەدەۋلىك كوبەيدى.
«2012 -جىلعا دەيىن مەملەكەتتىك كۆوتالار تەك 35 جاسقا تولماعان ايەلدەرگە بەرىلەتىن. قازىر مۇنداي شەكتەۋ قويىلماعان. ەڭ باستىسى، دەنساۋلىعىنىڭ مىقتى جانە انالىق جاسۋشالارىنىڭ بەلسەندى بولعانى ءجون»، - دەيدى گينەكولوگ- رەپرودۋكتولوگ لەيلا چالوۆا.
قازاقستاندا ۇرىقتاندىرۋدىڭ بۇل جولىنىڭ قولدانىلىپ كەلە جاتقانىنا 20 جىلدىڭ ءجۇزى بولدى. وسى تاسىلمەن دۇنيەگە كەلگەن ەڭ ءبىرىنشى بالا بۇگىندە 19 جاستا.
العاشىندا قوعامدا ءتۇرلى پىكىر تۋدىرعان مەديتسينانىڭ بۇل جەتىستىگى قالاي بولعاندا دا تالاي وتباسىعا بالا ءسۇيۋ باقىتىن سىيلادى.
7-كانال
