ا ق ش ءتىلشىسى وبامانىڭ ايەلىن مايمىلعا تەڭەپ، جۇمىسىنان قۋىلدى - فوتو

جۋرناليست رودنەر فيگەروا 11- ناۋرىز كۇنى El Gordo y La Flaca تەلەشوۋىندا ازىلدەيمىن دەپ، پرەزيدەنتتىڭ ايەلىنە ءتىلى ءتيىپ كەتكەن. ول تىكەلەي ەفيردە تانىمال ادامداردى ءارتۇرلى اڭ مەن جانۋارعا ۇقساستىعىن ايتىپ، ۇنەمى ازىلدەپ وتىراتىن كورىنەدى. بۇل جولعى ازىلىندە قاتتى كەتىپ، جۇمىسىمەن قوش ايتىسىپتى.

فيگەروانىڭ «وزدەرىڭىز سالىستىرىپ كورىڭىزدەرشى، ميشەل وباما «مايمىلدار پاتشالىعىنداعى» قاھارمانعا ۇقسايدى ما؟ اۋماي قالعان ءوزى ەمەس پە؟!» - دەگەن تەڭەۋىنە وزگە جۇرگىزۋشىلەر «جوق، ءبىزدىڭ پرەزيدەنتىمىزدىڭ ايەلى وتە سۇلۋ» - دەپ، باستارىن الىپ قاشقان. باسقا پالە تىلدەن دەمەكشى، ولار ءدال وسىنداي سۇمدىقتىڭ بولارىن الدىن-الا سەزگەن بولۋى كەرەك

رودنەر فيگەروا بۇل تەلەكومپانيادا 17 جىلدان بەرى جۇمىس ىستەيدى. ءتىپتى، وسى باعدارلاماسىنىڭ ارقاسىندا Emmy سىيلىعىن دا الىپ ۇلگەرگەن. فيگەروا وسى قىلىعى ءۇشىن پرەزيدەنتتىڭ ايەلىنەن كەشىرىم سۇراپ، وعان حات جازىپتى.

«مەن راسيست ەمەسپىن، مەنى دۇرىس ءتۇسىنىڭىز. مەنىڭ ءسىزدى مۇقاتاتىنداي ويىم بولعان جوق. ءسىز مەنى دۇرىس تۇسىنبەدىڭىز»، - دەپ ءوز بىلىعىن جۋىپ-شايىپتى جازعان حاتىندا. سونىمەن قاتار، ول كومپانيا باسشىلىعى وزىنە قاتىستى ءادىل شەشىم شىعارماعانىن ايتىپ شاعىمدانعان كورىنەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى