پەرعاۋىن وقيعاسىن زەرتتەپ، يسلام ءدىنىن قابىلداعان عالىم
فرانسياعا مىسىردان مۋميالانعان مۇردە جەتكىزىلەدى. بۇل مۋميالانعان ادام مىسىر حالقىنا: «مەن - تاڭىرلەرىڭمىن!» - دەيتىن اسا قاتالدىعىمەن اتى ايگىلى پەرعاۋىننىڭ مۇردەسى بولاتىن. ونى ارحەولوگيالىق زەرتتەۋلەر لابوراتورياسىنا جونەلتەدى. ارحەولوگيالىق زەرتتەۋلەر لابوراتورياسىنىڭ عالىمدارى، اناتوميالىق دارىگەر- زەرتتەۋشىلەر جۇمىسقا كىرىسەدى. مۋميالانعان مۇردەنى زەرتتەۋشىلەردىڭ جەتەكشىسى موريس بيۋكاي ەدى. ول - فرانسيانىڭ بەلگىلى عالىمى. تازا فرانسۋز تەكتى وتباسىندا ءوستى. مەديتسينا ۋنيۆەرسيتەتىن ۇزدىك بىتىرگەن دارىگەر. ءوز تەڭدەستەرى اراسىندا بىلگىر حيرۋرگ.
زەرتتەۋ ءساتتى ءوتىپ جاتادى... ءبىراق موريس بيۋكايعا ەڭ قىزىقتىسى - پەرعاۋىننىڭ ءولىم سەبەپتەرى بولدى. كوپ كەشىكپەي، زەرتتەۋدىڭ ناتيجەلەرى بەلگىلى بولادى. قورىتىندىلاي كەلە، پەرعاۋىن تەڭىز سۋىنا ءتۇسىپ ولگەن دەگەن تۇجىرىمعا كەلەدى. دالەلى - ونىڭ سىرتقى تەرى قاباتىنان تابىلعان تۇزدىڭ مولشەرى. بالزامداپ ساقتاۋ كەيىن بولعان.
زەرتتەۋ ناتيجەسى تۋرالى موريس بيۋكاي كوپشىلىككە جاريالاماقشى بولادى. الايدا وعان باسقا ءبىر جاقىن تانىسى: «پەرعاۋىننىڭ سۋدا ولگەنى تۋرالى مۇسىلماندار بۇرىننان بىلەدى» ، - دەپ بەتىن قايتارىپ تاستادى. قانشاما ۋاقىت بويى ەڭبەگىن ەش كەتىرگەن دوسىنىڭ بۇل سوزىنە ونىڭ سەنگىسى كەلمەدى .
«مۇنداي زەرتتەۋدىڭ ناتيجەسىن قاراپايىم تاسىلمەن ءبىلۋ مۇمكىن ەمەس، مۇسىلماندار قالاي بىلەدى؟ » - دەپ داۋلاسا جونەلەدى. الگى عالىم دوسى پەرعاۋىن تۋرالى قاسيەتتى قۇران كىتابىندا كەيىنگىلەرگە وي تاستاۋ ءۇشىن ونىڭ دەنەسى ساقتالاتىنى جازىلعانىن ايتادى.
موريس بيۋكاي مۋميانىڭ شىعۋ تەگى مەن قۇران كىتابىنىڭ تۇسكەن ۋاقىتىن سالىستىرىپ كورەدى... ول سونان سوڭ ءتاۋرات دەگەن كىتاپتا نە جازىلعانىنا نازار سالىپ، زەرتتەي باستايدى. وندا پەرعاۋىن مۇسانى قۋىپ كەلە جاتىپ سۋعا باتىپ كەتكەنى تۋرالى باياندالادى. ەندى عالىمدى تابىتتاعى بۇل راسىمەن پەرعاۋىن با؟ بۇل تۋراسىندا مۇسىلمانداردىڭ كىتابىندا قالاي جازىلدى دەگەن سۇراقتار مازالايدى.
ارادا ءبىراز ۋاقىت وتسە دە «مۇسىلماندار پەرعاۋىن تۋرالى تولىق بىلەدى» دەگەن ويىنان شىعا الماي، اقىرىندا قۇراننىڭ تۇسكەن جەرى، اراب ەلدەرىنە ساپارعا شىعادى.
«بۇگىن ءبىز كەيىنگىلەرگە وي سالۋ ءۇشىن سەنىڭ دەنەڭدى قۇتقارامىز. ءبىراق، ادامداردىڭ كوبىسى ءبىزدىڭ جىبەرگەن بەلگىلەرگە كوز جۇگىرتىپ قارامايدى» - دەگەن اياتتىڭ بار ەكەنىنە كوزى جەتكەن فرانسۋز عالىمى، دارىگەر، حيرۋرگ- زەرتتەۋشى اسا تاڭ قالىپ: «مەن بۇل قۇرانعا سەندىم! يسلام ءدىنىن قابىلدايمىن» ، - دەيدى.
فرانسۋز عالىمى مۇسىلمان بولعاننان كەيىن دە وتە كوپ زەرتتەۋلەرمەن اينالىسادى. كەيىن جاراتۋشى جانە ونىڭ جىبەرگەن كىتابى تۋرالى الەمگە ايگىلى «قۇران، ءتاۋرات، ءىنجىل جانە عىلىم» اتتى ەڭبەگىمەن كەڭىنەن تانىلادى.
ماقالا جۇما ناۋشەكتىڭ فەيسبۋك پاراقشاسىنان الىندى
