ەلباسىنىڭ سەزدە ايتقان تىڭ ويلارى جولداۋمەن ۇندەس - ەركىن يسىمبايەۆ
ونىڭ ايتۋىنشا، مەملەكەت باسشىسى نۇرسۇلتان نازاربايەۆ «نۇرلى جول بولاشاققا باستار جول» اتتى ەل حالقىنا ارناعان جولداۋىندا جانە «نۇر وتان» پارتياسىنىڭ XVI سەزىندە الدىمىزدا تۇرعان ىرگەلى مىندەتتەردى اتاپ كورسەتتى.
«ەلباسىنىڭ سەزدە ايتقان تىڭ ويلارى جولداۋمەن ۇندەس. ول نەگىزگى مىندەتتەردى سارالاپ، ەل دامۋىنىڭ ستراتەگيالىق جوسپارىن جۇزەگە اسىرۋ ءۇشىن وتانداستارىن بىرىگىپ ەڭبەك ەتۋگە شاقىردى. ءبىزدىڭ الدىمىزدا تۇرعان مىندەتتەردىڭ ءبىرى - الەمنىڭ دامىعان 30 ەلىنىڭ قاتارىنا كىرۋ. كورەگەن كوشباسشى الەۋمەتتىك-ەكونوميكالىق باسىم باعىتتارعا ەرەكشە ءمان بەرىپ، ونى ىسكە اسىرۋدا بارشامىزعا زور سەنىم ارتىپ وتىر. ويتكەنى، الپاۋىت ەلدەردىڭ قاتارىنا ەنۋ - جاۋاپكەرشىلىگى زور ماقساتتى ءىس.
ءبىزدىڭ «ورلەۋ» بىلىكتىلىكتى ارتتىرۋ ۇلتتىق ورتالىعى حالىقارالىق تاجىريبەنى زەرتتەۋ نەگىزىندە ءبىلىم بەرۋ ساپاسىن ارتتىرۋ جاعىن قاراستىرۋدا. سونىڭ ارقاسىندا ماماندارىمىز ۇلى بريتانيا، وڭتۇستىك كورەيا، فرانسيا، سينگاپۋر، اۆستراليا، رەسەي ەلدەرىندە تاجىريبەدەن ءوتۋ مۇمكىندىگىنە يە بولدى. بۇل ماشىقتانۋ پەداگوگتارمەن كۋرسارالىق جۇمىستاردى ۇيىمداستىرۋعا، وسى كۋرستاردىڭ وقۋ-تاقىرىپتىق جوسپارىنىڭ مازمۇنىنا كوپتەگەن جاڭالىقتاردى ەنگىزۋگە مۇمكىندىك بەردى. بۇل جۇمىستاردىڭ بارلىعى ەلباسىنىڭ ءبىلىم سالاسىنا ەرەكشە قولداۋ ءبىلدىرۋىنىڭ ارقاسىندا جۇزەگە اسىرىلۋدا. بيلىك باسىندا كورەگەن كوشباسشىمىز وتىرعاندا الاڭداۋعا ەش نەگىز جوق»، دەيدى ەركىن يسىمبايەۆ.
