داعدارىس جاعدايىندا ت م د ەلدەرىنىڭ الەۋەتىن ۇيلەستىرۋ اسا ماڭىزدى بولا تۇسپەك - ن. نازاربايەۆ
«پوستكەڭەستىك كەڭىستىكتە ەكونوميكا مەن ءوزارا ساۋدا-ساتتىقتىڭ ەڭ وزەكتى ماسەلەلەرىن تالقىلاۋ ءۇشىن قاجەتتى الاڭ بولىپ تابىلاتىن ت م د حالىقارالىق فورۋمىنىڭ قاتىسۋشىلارىنا قوش كەلدىڭىزدەر دەگىم كەلەدى. زاماناۋي داعدارىس جاعدايىندا الەمدىك نارىقتاردا الەۋمەتتىك ەكونوميكالىق ۇردىستەرگە بەلسەندى تارتىلعان ەلدەردىڭ الەۋەتىن ۇيلەستىرۋ مىندەتىنىڭ ماڭىزى ارتا تۇسۋدە.
ت م د- عا قاتىسۋشى مەملەكەتتەر اراسىنداعى ءتيىمدى ءوزارا ءىس-قيمىل مەن سىندارلى ديالوگتىڭ ءرولى دە ارتادى. پىكىر الماسۋدىڭ جانە ۇجىمدىق شەشىمدەر قابىلداۋدىڭ پارمەندى تەتىگىنە اينالعان فورۋم دا وسىنى نىعايتۋعا كۇش سالۋى ءتيىس... تەك بىرلەسىپ قانا ءبىز ەلدەرىمىزدىڭ ۇزاق مەرزىمدى گۇلدەنۋىنىڭ نەگىزىن قالاپ، زاماناۋي سىن-قاتەرلەرگە ويداعىداي توتەپ بەرە الامىز»، - دەلىنگەن ۇندەۋ ماتىنىندە.
ەسكە سالساق، ماسكەۋدە تاۋەلسىز مەملەكەتتەر دوستاستىعى ەكونوميكالىق كەڭەسىنىڭ 65- وتىرىسى بولدى. بۇل قازاقستان رەسپۋبليكاسىنىڭ توراعالىعىمەن وتكەن دوستاستىق جوعارعى ورگاندارىنىڭ العاشقى وتىرىسى. ەكونوميكالىق كەڭەس وتىرىسىنىڭ اياسىندا «ينتەگراتسيا - جاڭا مۇمكىندىكتەر مەن داعدارىستان شىعۋ جولدارى» اتتى تاقىرىپتا ت م د- عا قاتىسۋشى مەملەكەتتەردىڭ حالىقارالىق ەكونوميكالىق فورۋمى ۇيىمداستىرىلدى. فورۋم دوستاستىق ەلدەرىن ەكونوميكالىق دامىتۋدىڭ ماڭىزدى ماسەلەلەرىن تالقىلايتىن ديالوگ الاڭى بولىپ تابىلادى.
