ماسكەۋلىك سيرك الماتىلىق بالالارعا قايىرىمدىلىق قويىلىمىن كورسەتتى - فوتو

بالالار اۋە اكروباتتارىنىڭ تەڭدەسسىز پلاستيكاسى مەن ۇيرەتىلگەن جانۋارلاردىڭ ونەرىن، سايقىمازاقتىڭ كوڭىلدى نومىرلەرىن تاماشالادى. ارەنادا سيركتىڭ ەرەكشە ونەرپازدارى 3 جىلقى، 8 ءيت، 2 ايۋ ونەر كورسەتتى.

«ءبىز بيىل الماتىعا جاڭا باعدارلاما، ۇزدىك ارتىستەردى اكەلدىك. ويتكەنى، مۇندا پۋبليكا وتە تالعامپاز. الماتى حالقى ءبىزدى ۇنەمى جىلى قابىلدايدى»، - دەدى ي. نيكۋلين اتىنداعى قايىرىمدىلىق قوردىڭ ديرەكتورى يرينا زايتسيەۆا.

ونەرپازداردىڭ الماتىعا ساپارى وڭاي بولماسا كەرەك. ماسكەۋدەن قازاقستانعا دەيىن ارتىستەر 10 تاۋلىك ءجۇرىپ كەلگەن ەكەن. سولتۇستىك ايماقتارداعى ايازعا كولىكتەرىنىڭ ديزەل وتىنى قاتىپ، بىرنەشە تاۋلىك جولدا قالعان.

ماسكەۋلىك ونەرپازدار الماتى سيركىنىڭ دەڭگەيىن وتە جوعارى باعالايتىندارىن جەتكىزدى.

«الماتى سيركىنىڭ دەڭگەيى وتە جوعارى. ونىڭ وزىندىك قولتاڭباسى قالىپتاسقان. سيركتىڭ بارلىق جانرلارى جاقسى دامىعان. سىزدەردىڭ ونەرلەرىڭىزگە قانداي جاڭالىقتارى بار ەكەن دەپ ۇنەمى كوز قىرىمىزدى سالىپ جۇرەمىز. بىلتىر گاسترولدىك ساپارىمىزعا ءتورت اياقتى ونەرپازدارىمەن بىرگە الماتىلىق ەكاتەرينا ەسىمدى ۇيرەتۋشى قىزدى ەرتىپ الدىق. ونىڭ ءنومىرىن رەسەيلىك كورەرمەن ۇلكەن ىقىلاسپەن قابىلدادى. سوندىقتان، سىزدەردەن دە الارىمىز كوپ»، - دەدى ي. زايتسيەۆا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى