تامارا دۇيسەنوۆا تاجىكستاننىڭ ق ر- داعى ەلشىسىمەن كەزدەستى
كەزدەسۋ بارىسىندا دەنساۋلىق ساقتاۋ جانە ەڭبەك ميگرانتتارى سالاسىنداعى ىنتىماقتاستىقتىڭ باعىتتارى تالقىلاندى.
دەنساۋلىق ساقتاۋ جانە حالىقتى الەۋمەتتىك قورعاۋ سالاسىنداعى باسىم باعىتتار، اتاپ ايتقاندا: انا مەن بالا دەنساۋلىعىن جاقسارتۋ ماسەلەلەرى بويىنشا مامانداردىڭ تاجىريبە الماسۋى جانە بىرلەسكەن ءىس-شارالار كەشەنىن ازىرلەۋ؛ قاتەرلى ينفەكتسيالىق اۋرۋلار جونىندە اقپارات الماسۋ، مەديتسينالىق كومەكتى جانە سانيتارلىق-ەپيدەميولوگيالىق شارالار وتكىزۋدى تالاپ ەتەتىن توتەنشە جاعدايلار ورىن العان كەزدە بىرلەسە ارەكەت ەتۋ؛ جۇمىسكەر-ميگرانتتارعا مەديتسينالىق-سانيتاريالىق كومەك كورسەتۋدىڭ تيىمدىلىگىن جانە قولجەتىمدىلىگىن ارتتىرۋدا ىنتىماقتاستىقتى جولعا قويۋ بويىنشا ءوزارا ءتيىمدى ءىس-ارەكەتتەستىكتى جانداندىرۋ جونىندە كەلىسىمگە قول جەتكىزىلدى.
سونىمەن قاتار، قازاقستاندىق تاراپ ەلىمىزدىڭ مەديتسينالىق جوعارى وقۋ ورىندارى مەن عىلىمي-زەرتتەۋ ۇيىمدارى بازاسىندا مەديتسينالىق مامانداردىڭ بىلىكتىلىگىن ارتتىرۋ جانە دايارلاۋ بويىنشا قىزمەتتەر ۇسىندى.
ق ر دەنساۋلىق ساقتاۋ جانە الەۋمەتتىك دامۋ ءمينيسترى ت. ق. دۇيسەنوۆا ەلىمىزگە شەتەلدىك جۇمىس كۇشتەرىن، ونىڭ ىشىندە ماۋسىمدىق جۇمىسشىلار تارتۋ ماسەلەلەرىن رەتتەيتىن ق ر قازىرگى زاڭناماسى جونىندە اڭگىمەلەدى.
سونىمەن قاتار، كەزدەسۋ بارىسىندا قازاقستان اۋماعىندا ۋاقىتشا جۇمىس ىستەيتىن تاجىكستان ازاماتتارى، جۇمىسكەر-ميگرانتتارعا قاتىستى زاڭنامانى جەتىلدىرۋ ماسەلەلەرى تالقىلاندى.
