دەپۋتات ەل نارىعىنداعى ءسۇت ساپاسىن سىنعا الدى

بۇل تۋرالى بۇگىن و ك ق بريفينگىندە ق ر پارلامەنتى ءماجىلىسىنىڭ دەپۋتاتى راۋان شاەكين ايتتى.

«ءبىزدىڭ ەلىمىزدە جىلىنا 4,7 ميلليون توننا ءسۇت وندىرىلەدى، ولاردىڭ 4 ميلليون تونناسى جەكە قوسالقى شارۋاشىلىقتاردان كەلەدى. بۇل بارلىق ءونىمنىڭ 87 پايىزى دەگەن ءسوز. ولاردىڭ تەك 1 ميلليون 300 مىڭ تونناسى عانا قايتا وڭدەۋگە جىبەرىلەدى. ال قالعان 3 ميلليونعا جۋىعى جەكە قولدانىسقا: نارىققا جانە باسقا ماقساتقا جۇمسالادى»، - دەيدى دەپۋتات.

سونداي- اق، حالىق قالاۋلىسىنىڭ ايتۋىنشا، كەيبىر كاسىپكەرلەرگە تابيعي ونىمنەن گورى، ءسۇت ۇنتاعىمەن جۇمىس ىستەگەن تيىمدىرەك كورىنەدى.

«سونىمەن قاتار، ۇنتاقپەن جۇمىس ىستەگەن تيىمدىرەك بولعاندىقتان، تابيعي ءسۇت قايتا وڭدەۋگە تۇسپەي جاتىر. سوندىقتان بۇگىندە ءسۇتتىڭ ساپاسىنا قاتىستى ءبىرقاتار ماسەلەلەر بار»، - دەيدى ر. شاەكين.

اۆتور: ءابۋ- اسقار مەكەش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى