قازاقستاندىقتارعا قولجەتىمدى اۆتونەسيە بەرىلە باستايدى

بۇل تۋرالى «ازيا-اۆتو» اكسيونەرلىك قوعامىنىڭ باس ديرەكتورى ەرجان مانديەۆ ءمالىم ەتتى.

«مەملەكەت بانكتەردى جانە ليزينگتىك كومپانيالاردى قورلاندىرۋ ءۇشىن قاراجات ءبولىپ وتىر، سونىڭ ارقاسىندا ەكىنشى دەڭگەيدەگى بانكتەر ارقىلى جەڭىل كولىك ساتىپ الۋ ءۇشىن نەسيەلەندىرۋ تەتىكتەرى پايدالانىلماقشى. مۇنداي نەسيەنى تۇتىنۋشىلاردىڭ 95 پايىزى - جەكە تۇلعالار»، - دەيدى مانديەۆ.

ديرەكتور ءوز سوزىندە ارزان اۆتونەسيەلەر وسى جىلدىڭ ءساۋىر ايىنان بەرىلە باستايتىنىن جەتكىزدى.

«بۇل قاۋلى جوباسى ماقۇلداۋعا جىبەرىلىپ قويىلعان، ءتارتىپ بويىنشا ول ءبىر اي ۋاقىتتى الادى. وسى جاعىنان العاندا، ارزان اۆتو نەسيە باعدارلاماسى 1- ساۋىردەن باستاپ ىسكە قوسىلادى دەپ كۇتىپ وتىرمىز»، - دەيدى ول.

ايتا كەتەلىك، اقپان ايىندا ۇلتتىق ەكونوميكا ءمينيسترى ەربولات دوسايەۆ وتاندىق اۆتو ءوندىرىستى قولداۋ ءۇشىن قازاقستان ۇكىمەتى 20 ميلليارد تەڭگە بولەتىنىن مالىمدەگەن.

بۇل قاراجاتتىڭ ءبىر بولىگى جەكە تۇلعالاردىڭ جەڭىل اۆتوكولىك ساتىپ الۋدا جۇگىنەتىن ەكىنشى دەڭگەيدەگى بانكتەر ارقىلى كەم دەگەندە سىياقى مولشەرلەمەسى شامامەن 6 پايىزدى قۇرايتىن اۆتو نەسيەگە، ەكىنشى ءبىر بولىگى زاڭدى تۇلعالار جۇگىنەتىن ليزينگتىك كومپانيالاردىڭ سىياقى مولشەرلەمەسى 4 پايىزعا دەيىنگى اۆتو نەسيەسىنە باعىتتالماقشى.

«الاش ايناسى»

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى