قىرعىزستاننان «تابىلعان» كۇدىكتى قازاقستانعا قايتارىلماقشى
ب ق و پروكۋراتۋراسىنىڭ باسپا ءسوز قىزمەتىنەن تۇسكەن مالىمەتكە قاراعاندا، ب. قايىرجانوۆ بىشكەك قالالىق ىشكى ىستەر باسقارماسىنىڭ ۋاقىتشا وقشاۋلاۋ يزولياتورىنا قامالدى. قازىرگى تاڭدا ونى قازاقستان رەسپۋبليكاسىنا قايتارۋ ماسەلەسى شەشىلۋدە.
ايتا كەتەيىك، قىلمىستىق قۋدالاۋ ورگاندارى ب. قايىرجانوۆقا «الەمترانسويل» ج ش س شىڭعىرلاۋ فيليالىنىڭ باسقارۋشىسى قىزمەتىن اتقارا ءجۇرىپ، سوتتىڭ ۇكىمىمەن تاركىلەۋگە جاتقىزىلعان جانە زاتتاي دالەلدەمە رەتىندە ساقتاۋ ءۇشىن وعان بەرىلگەن مۇلىكتى (810018 توننا مۇناي) يەمدەنگەن دەپ ايىپ تاققان ەدى. وتكەن جىلعى 23- قىركۇيەكتە شىڭعىرلاۋ اۋداندىق سوتىنىڭ قاۋلىسىمەن ب. قايىرجانوۆقا قاماۋعا الۋ تۇرىندە بۇلتارتپاۋ شاراسىنا رۇقسات بەرۋمەن ىزدەۋ جاريالانعان بولاتىن.
اۆتور: ەلجان ەرالى
