ەۆرو تۇڭعىش رەت دوللاردان ارزان بولۋى مۇمكىن
Tengrinews.kz تىلشىسىنە «الپاري» تالداۋ كومپانياسىنىڭ ساراپشىلارى وسىلاي دەپ وتىر.
ايتا كەتەيىك، قازىر حالىقارالىق ۆاليۋتا نارىعىندا ەۆرو/دوللار جۇبىنىڭ كۇرت قۇلدىراۋىنا بايلانىستى ەۆرو دوللارعا قاراعاندا السىزدەۋ ۆاليۋتا كورىنىپ تۇر.
ساراپشىلاردىڭ ايتۋىنشا، بۇل الەمدىك ۆاليۋتا نارىعىندا دوللار باعامىنىڭ ايتارلىقتاي نىعايۋىنان بولدى. بۇگىندە نەگىزگى جۇپ 1,0600 دەگەن مەجەدەن تومەن باعامدا ساۋدالانىپ جاتىر. ساراپشىلاردىڭ كوبى الداعى بىرنەشە ايدا بۇل مەجە 1,0000 گە جەتەدى دەپ شامالايدى.
«الپاري» كومپانياسىنىڭ تالداۋشىسى اننا بودروۆانىڭ حابارلاۋىنشا، ەۆرو دوللارمەن جۇپ بولىپ كوپجىلدىق مينيمۋمداردى سىناۋدان تايماي كەلەدى.
«ەۆرو ءۇشىن ەۋروپا ورتالىق بانكىنىڭ (ە و ب) اكتيۆتەردى ساتىپ الۋ باعدارلاماسىن 2016 -جىلدىڭ قىركۇيەگىنەن سوڭ دا ۇزارتۋ مۇمكىندىگى تۋرالى مالىمدەمەسى تۋ سىرتتان ۇرعانداي بولدى. ە و ب باسشىسى ماريو دراگي ىنتالاندىرۋ باعدارلاماسىنىڭ تيىمدىلىگى ەۋروايماق ەكونوميكاسىندا قازىردىڭ وزىندە- اق سەزىلىپ تۇرعانىن، نەسيەلەۋ نارىعىنداعى شارتتاردىڭ دا جاقسارعانىن اتاپ ءوتتى.
ءبىراق اشىعىن ايتقاندا، بۇل سىرت كوزگە بايقالماي تۇر. مۇمكىن، دراگي احۋالعا باسقا بۇرىشتان قارايتىن شىعار؟ اكتيۆتەردى ساتىپ الۋ باعدارلاماسى 9 - ناۋرىزدا باستادى، ول - اي سايىن 60 ميلليارد ەۆرو»، - دەدى تالداۋشى.
بودروۆانىڭ ايتۋىنشا، ەۆروعا ە و ب مەن ا ق ش فەدەرالدىق رەزەرۆ جۇيەسى مولشەرلەمەلەرى اراسىنداعى جانە ساتۋ مەن ساتىپ الۋدىڭ ۇزدىك باعالارى اراسىنداعى ايىرمانىڭ شامادان تىس ۇلعايۋى دا ىقپال ەتىپ وتىر.
ايتا كەتەيىك، يەۆرونىڭ تەڭگەگە قاتىستى باعامى ايتارلىقتاي قۇلادى جانە قازىر ول 195-197 دەڭگەيىندە تۇر.
ەسكە سالايىق، 2014 -جىلدىڭ سوڭىندا ەۆرو باعامى 226 تەڭگە شاماسىنا دەيىن جەتكەن ەدى. كەيىن تومەندەۋ باستالدى جانە وسى جىلدىڭ قاڭتار ايىندا ەۆرو باعامى 210 تەڭگەدەن تومەنگە ءتۇستى. ال اقپان- ناۋرىز ايلارىندا 202-207 تەڭگە دياپازونىندا اۋىتقىدى.
«ەۆرونىڭ تەڭگەمەن جۇپ بولعانداعى باعامى ءبىرىنشى رەت قۇلدىراپ وتىرعان جوق، بۇل Forex ۆاليۋتا نارىعىنداعى ەۆرو/دوللار جۇبىنىڭ ديناميكاسىمەن بايلانىستى. ەگەر دالىرەك ايتساق، ترەند وتكەن جىلدىڭ 14 - قازانىندا باستالدى. ەۆرو/تەڭگە جۇبى بويىنشا 190,00 مەجەسىنىڭ اۋىلى الىس ەمەس»، - دەدى بودروۆا.
Alashainasy.kz
