ق ر پرەزيدەنتتىگىنە «اق جول» پارتياسى نەگە ۇمىتكەر ۇسىنبايدى؟

«نۇر وتان» پارتياسىنىڭ كەزەكتەن تىس وتكىزگەن XII سەزى دەلەگاتتارىنىڭ ۇسىنىسىن قاراپ، «اق جول» قازاقستان دەموكراتيالىق پارتياسى» 2015-جىلعى 26- ساۋىردە وتەتىن سايلاۋدا قازاقستان رەسپۋبليكاسىنىڭ پرەزيدەنتتىگىنە نۇرسۇلتان نازاربايەۆتىڭ كانديداتۋراسىن قولدايمىز»، - دەدى استانادا پارتيانىڭ كەزەكتەن تىس سەزىندە قازاقستاندىقتارعا ۇندەۋىن وقىعان ا. پەرۋاشەۆ.

ول كەزەكتەن تىس سايلاۋ وتكىزۋ شەشىمى تاكتيكالىق ءتاسىل ەمەستىگىن اتاپ ءوتتى. بۇل جان-جاقتى ىقتيمال قاۋىپتىڭ ستراتەگيالىق الدىن الۋ ءۇشىن جاسالىنۋدا. «سوندىقتان ءبىزدىڭ پارتيا پرەزيديۋمى كەزەكتەن تىس پرەزيدەنت سايلاۋىن وتكىزۋگە قاتىستى قازاقستان حالقىنىڭ باستاماسىن قولدايدى»، - دەپ قوستى ا. پەرۋاشەۆ.

«احۋالدى شىنايى باعالاي وتىرىپ، ءوز ويىمدى بىردە ايتقىم كەلەدى. قازاقستاندا جانە ودان تىسقارى جەردە دە ۇلتتى ءدال وسىنداي دەڭگەيدە توپتاستىرا الاتىن، ەكونوميكادا پروگرەسسيۆتى مىندەتتەر جۇكتەي الاتىن جانە مەملەكەتتىك ورگاندار جۇمىسى قارقىنىنا سەرپىن بەرەتىن نۇرسۇلتان نازاربايەۆپەن تەڭ كەلەرلىك ساياسي ءارى مەملەكەتتىك تۇلعا جوق. ن. نازاربايەۆ كاسىپكەرلىكتى جانە ءونىمدى ەكونوميكا قۇرۋ ءۇشىن، مەملەكەتتىكتى نىعايتۋ ءارى قازاقستاننىڭ ۇلتتىق مۇددەلەرىن العا باستىرۋ ءۇشىن ەشكىم جاساي المايتىن ىستەردى جۇزەگە اسىردى جانە جالعاستىرۋ ۇستىندە»، - دەدى «اق جول» پارتياسىنىڭ كوشباسشىسى.

ونىڭ اتاپ وتۋىنشە، نۇرسۇلتان نازاربايەۆتىڭ تاۋەلسىزدىگىمىز جاريا ەتكەن كۇننەن باستاپ بۇگىنگە دەيىنگى مەملەكەت باسشىسى رەتىندەگى كوپتەگەن جىلعى قىزمەتىنىڭ بارلىعى دا ءدال وسى باعىتتا ءوربىپ كەلەدى.

«ول - بارلىق پوستكەڭەستىك جانە الەمدىك كەڭىستىك ءۇشىن جاھاندىق تاريحي اۋقىمداعى تۇلعا»، - دەدى ا. پەرۋاشيەۆ.

سونىمەن قاتار، ول كەيبىر پارتيالاردىڭ كەزەكتەن تىس پرەزيدەنتتىك سايلاۋعا ءوز كانديداتتارىن ۇسىنۋى، كانديداتتارىن ەلباسىمەن قاتار قويۋى قازىرگى زامانعى قازاقستانداعى نازاربايەۆ تۇلعاسىن نەگىزسىز تومەندەتۋ سانالاتىندىعىن باسا ايتتى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى