ق ر پرەزيدەنتى سوت جۇيەسىنىڭ ءالسىز تۇستارىن اتادى

بۇل تۋرالى بۇگىن استانادا «نۇر وتان» پارتياسىنىڭ كەزەكتەن تىس XVI سەزىندە ق ر پرەزيدەنتى، پارتيا ءتوراعاسى نۇرسۇلتان نازاربايەۆ ءمالىم ەتتى.

«زاڭنىڭ ۇستەمدىگى، قاراپايىم ايتقاندا، سوتتاردىڭ تاۋەلسىزدىگى ەكونوميكامىزدىڭ دامۋىنا ىقپال ەتەتىن مەنشىك يەسى قۇقىعىن ساقتايدى، كاسىپكەرلىك ءۇشىن جاعداي جاسايدى، كەلىسىم مىندەتتەرىن قورعاۋعا كەپىلدىك بەرەدى»، - دەدى پرەزيدەنت.

سونىمەن قاتار، ەلباسى سۋديالاردى تاڭداۋ، ولارعا قويىلاتىن كاسىبي بىلىكتىلىك تالاپتارى - سوت جۇيەسىنىڭ ءالسىز تۇستارى ەكەندىگىن اتاپ ءوتتى.

مەملەكەت باسشىسىنىڭ ايتۋىنشا، سۋديالار جابىق كورپوراتسياعا اينالماۋى ءتيىس كەرىسىنشە، قوعامعا اشىق بولۋى كەرەك.

«سۋديالار سوت جۇيەسىندە كەمىندە 5  جىل ىستەگەن بولۋى قاجەت. ولار قاتاڭ ىرىكتەۋدەن ءوتۋى شارت جانە از دەگەندە 1 جىل تاجىريبەدەن ءوتۋى قاجەت. جاڭادان الىنعان سۋديالار ءبىر جىل تاجىريبەلىك مەرزىمدە بولۋى ءتيىس جانە وقۋدان سوڭ سىناق تاپسىرىپ، ەڭ مىقتى دەگەندەرى قىزمەتكە الىنۋى قاجەت»، - دەدى ەلباسى.

ن. نازاربايەۆتىڭ اتاپ كورسەتكەنىندەي، ينۆەستيتسيالىق داۋلاردى شەشۋگە شەتەلدىك سۋديالاردى تارتۋ جايىن قاراستىرۋدى تاپسىردى.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى