وتانىڭدى ەشقانداي مەملەكەت الماستىرا المايدى، ول - جۇرەگىڭنىڭ تورىندە تۇراتىن اسىلىڭ
تاۋەلسىزدىكتىڭ العاشقى جىلدارىندا كورسەتىلسە قازاقستاندى سورتاڭدا قالعان، توت كەمىرگەن كەمەدەي كورەتىن، كەۋدەسى اياقاپتاي، ەۋروپانى ماقساتىنا جەتكىزەر اسقار تاۋىنداي كورەتىن جاستار تۇسىنبەس ەدى، دەگەن پىكىرىن بىلدىرەدى «جاس وتان» جاستار قاناتى وڭتۇستىك قازاقستان وبلىستىق فيليالىنىڭ اتقارۋشى حاتشىسى باۋىرجان مولدابەكوۆ راشيد سۇلەيمەنوۆتىڭ فيلمىنە وراي «ەگەمەن قازاقستان» باسىلىمىنداعى پىكىرىندە.
بۇگىنگى قازاقستان - ەلباسى نۇرسۇلتان نازاربايەۆتىڭ سىندارلى ساياساتىنىڭ ارقاسىندا الدىنا بيىك ماقساتتار قويعان، وركەنيەتتى ەلدەرمەن تەرەزەسى تەڭ، ءتورت قۇبىلاسى تۇگەل مەملەكەت.
شەتەلدە العان ءبىلىمدى ءوز وتانىڭدا الىپ، جوسپارىڭدى ىسكە اسىرا الاتىن ۇلكەن مۇمكىندىك تە بار. ءفيلمدى كورىپ وتىرىپ، اۋەلدە ءوز وتانىن مەنسىنبەي، ەۋروپانى اسقاق كورگەن ماكس- ماقساتتىڭ ءىس- ارەكەتىنە نامىسىمىز كەلگەنىمەن، سوڭىندا وعان دەگەن قۇرمەتىمىز كۇشەيدى. اتاسىنان قالعان مۇرا - فەرماسى، سايگۇلىكتەردى ساتىپ، قالتاسىن اقشاعا تولتىرىپ ەۋروپاسىنا كەتۋدى ويلاپ كەلگەن جىگىت اۋىلعا كەلىپ، تۋعان جەردىڭ ءتۇتىنىن يىسكەپ، تىرشىلىگىن جان- تانىمەن سەزىنگەننەن كەيىن ءوزىنىڭ شەتەلدە جات ازامات ەكەنىن تۇسىنەدى.
تۋعان جەردىڭ ءيىسى بولەك، ماحابباتى ەرەك. جاس مۇعاليما ارۋجانمەن تانىسقان ماقسات اۋىلدىڭ كۇيبەڭ تىرشىلىگى ءوزىنىڭ جانىنا جاقىن ەكەندىگىن، وسى جەردىڭ ءبىر پەرزەنتى ەكەندىگىن ۇعىنادى.
وتانىڭدى ەشقانداي مەملەكەت الماستىرا المايدى. ول - جۇرەگىڭنىڭ تورىندە تۇراتىن اسىلىڭ، ەڭ ارداقتىڭ. ەلباسىنىڭ جاس ۇرپاقتى ەلجاندىلىققا، ءوز وتانىنىڭ ادال ازاماتى بولۋعا ۇندەگەنى فيلم جەلىسىنەن كورىنەدى. ماقسات - سانجار ماديەۆ، ارۋجان جازىبايەۆا، سەناري اۆتورى راشيد سۇلەيمەنوۆ جاستارعا وسىنداي ويدى تاماشا جەتكىزە بىلگەن. راحمەت!
