رەسەي ساراپشىسى قانات يسلامنىڭ پروموۋتەرىن سىنعا الدى

ساراپشىنىڭ ايتۋىنشا، يسلامنىڭ پروموۋتەرى ونىڭ كەلەسى قارسىلاسىن دۇرىس تاڭداماعان.

ەسكە سالا كەتەيىك، قانات يسلام 23 - ناۋرىزدا كولۋمبيالىق كارلوس كالۆانمەن كەزدەسەدى.

سەرگەي زاۆيلەيسكيدىڭ ايتۋىنشا، كالۆان - يسلامعا ساي كەلمەيتىن قارسىلاس. ال مۇنداي «ءالسىز» قارسىلاستى تاڭداۋ - پروموۋتەردىڭ قاتەلىگى.

«مەن تۇسىنبەيمىن، مۇنداي جەكپە- جەكتىڭ كەرەگى نە؟ قانات يسلامعا نەلىكتەن تاعى ءبىر «قاپشىقتى» تاڭداعان؟ ول - قابىلەتتى، بولاشاعى بار بوكسشى. مەنىڭ ويىمشا، پروموۋتەردى اۋىستىراتىن كەز كەلدى - نەلسون لوپەز يسلامدى جوعارى دەڭگەيدەگى جەكپە-جەكتەرگە شىعارا المايدى، ىلگەرىلەۋ جوق»، - دەيدى زاۆيلەيسكي.

ونىڭ ويىنشا، قانات يسلامعا تيتۋلدىق جەكپە-جەكتى گۋيدو نيكولاس پيتتومەن وتكىزۋىنە بولاتىن ەدى.

«سالىستىرىپ كورىڭىز، ولار كۇن مەن ءتۇن سياقتى. كالۆان تەك «سۋپەرقاپشىقتاردى» جەڭدى. ونىڭ جولىندا ەكى مىقتى «قاپشىق» بولعان، ءبىراق ول ولاردان جەڭىلىپ قالدى. يسلامعا مۇنداي جەكپە- جەكتىڭ نە كەرەگى بارىن ۇقپايمىن. ونىڭ قارسىلاسىنىڭ رەيتينگى بۇرمالانعانى انىق»، - دەيدى ول.

ايتا كەتەيىك، بۇعان دەيىن قانات يسلامنىڭ كەلەسى جەكپە- جەگى وتەتىن كۇننىڭ بەلگىلى بولعانى تۋرالى حابارلاعان ەدى. 30 جاستاعى قانات يسلام 23 - ناۋرىزدا كولۋمبيادا 23 جاستاعى كولۋمبيالىق كارلوس كالۆانمەن (10 جەڭىس، 2 رەت مەرزىمىنەن بۇرىن جەڭىلىس تاپقان) جۇدىرىقتاسادى. بۇل جەكپە- جەك يسلامنىڭ مانسابىنداعى 19 نشى كەزدەسۋ، ول بۇعان دەيىن وتكىزگەن 18 جەكپە- جەكتىڭ 15 ىندە مەرزىمىنەن بۇرىن جەڭىپ شىققان. قازاقستاندىق بوكسشى بۇل جولى جاڭا شاپانمەن شىعا الادى. بۇعان دەيىن ونىڭ ءبىرىنشى ورتا سالماق بويىنشا WBC International Silver تيتۋلىنا تالاسۋعا مۇمكىندىگى بولدى جانە ونىڭ قارسىلاسى رەتىندە ارگەنتينالىق گۋيدو نيكولاس پيتتو شىعۋى ءتيىس ەدى، ءبىراق بۇل جەكپە- جەك بولماي قالدى.

tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى