نيۋ- يوركتەگى ايەلدەر قۇقىعىن قورعاۋ مارشىنا پان گي مۋن جۇبايىمەن قاتىستى
شەرۋشىلەر ساپىن ب ۇ ۇ- نىڭ باس حاتشىسى پان گي مۋن ايەلىمەن بىرگە باستاپ، «وركەنيەت» اليانسى باسشىلارى، «ب ۇ ۇ- نىڭ ايەلدەرى بەيبىتشىلىكتى قالايدى» قاۋىمداستىعىنىڭ جەتەكشىلەرى مەن تانىمال اكتەرلەر جانە ونداعان مەملەكەتتىڭ وكىلى قاتىستى. مارش ب ۇ ۇ شتاب- پاتەرىنىڭ جانىندا وسى شارانىڭ باستاماشىلارى مەن قاتىسۋشىلارىنىڭ قۇتتىقتاۋ سوزىمەن باستالدى.
ايەلدەردىڭ قوعامداعى رولىنە ارنالعان پەكين كونفەرەنسياسىنىڭ وتكەنىنە 20 جىل بولدى. الايدا دۇنيەجۇزىلىك ۇيىمنىڭ باس حاتشىسى تۇيتكىلدىڭ ءالى شەشىلمەگەنىنە شامداندى. ءوز سوزىندە ول 2030 - جىلعا دەيىن گەندەرلىك تەڭدىككە قول جەتكىزۋ ءۇشىن ايانباي ەڭبەك ەتۋگە شاقىردى.
الەمدە نازىك جاندىلاردىڭ 70 پايىزى زورلىق- زومبىلىقتىڭ قۇربانى بولادى ەكەن. شەرۋدى ۇيىمداستىرۋشىلاردىڭ مالىمدەۋىنشە، 5 ميلليونعا جۋىق ايەل مەن بالا قۇلدىقتا ءومىر سۇرسە، 60 ميلليون ءجاسوسپىرىم قىز نەكەگە تۇرعان.
جۇكتى ايەلدەر ءولىمىنىڭ باستى سەبەبى دە سول تۇرمىستىق زورلىق- زومبىلىق بولىپ وتىر. شەرۋ تايمس سكۆەر الاڭىندا اياقتالدى.
24.kz
