قازاقستاندا جاڭا تۇرعىن ءۇيدىڭ باعاسى ءوستى

مۇنداي مالىمەتتى قر ۇلتتىق ەكونوميكا مينيسترلىگى ستاتيستيكا كوميتەتى كەلتىرىپ وتىر.

«2015 - جىلعى اقپاندا وتكەن ايمەن سالىستىرعاندا اباتتاندىرىلعان تۇرعىن ءۇيدى جالعا الۋ تولەمى 0,4  پايىزعا، جاڭا تۇرعىن ۇيلەردى ساتۋ جانە اباتتاندىرىلماعان تۇرعىن ۇيلەردى الىپ ساتۋ باعالارى - 0,2 پايىزدان، ال اباتتاندىرىلعان تۇرعىن ۇيلەر - 0,1 پايىزعا ءوستى»، - دەلىنگەن حابارلامادا.

جاڭا باسپانانىڭ 1 شارشى مەترىنىڭ ورتاشا باعاسى 223668 تەڭگەنى، اباتتاندىرىلعان تۇرعىن ۇيلەردىڭ 1 شارشى مەترىنىڭ ورتاشا باعاسى 175130 تەڭگەنى قۇرادى. وتكەن جىلدىڭ سايكەس مەرزىمىمەن سالىستىرعاندا جاڭا باسپانانىڭ قۇنى 7,3 پايىزعا ارتتى.

سونىمەن قاتار، 2015 -جىلدىڭ اقپانىندا تۇرعىن ءۇيدى ساتىپ الۋ- ساتۋدىڭ تىركەلگەن مامىلەلەرىنىڭ سانى 12282 قۇرادى. بۇل ودان ارعى ايدىڭ كورسەتكىشىنەن 7,9 پايىز ارتىق. 2015 - جىلعى قاڭتار- اقپاندا تۇرعىن ءۇيدى ساتىپ الۋ- ساتۋ مامىلەلەرىنىڭ سانى وتكەن جىلعى ءتيىستى كەزەڭمەن سالىستىرعاندا 1,0 پايىزعا ارتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى