ايىرماشىلىعى جەر مەن كوكتەي ەگىز قىزدار – فوتو
بۇل ەرەكشە قىزدار 1997 - جىلدىڭ قاڭتار ايىندا دۇنيەگە كەلگەن.
انالارى دوننا - يامايكالىق، ال اكەلەرى - اق ءناسىلدى، دەپ جازادى cofigenno.c سايتى. «ءبىز دۇنيە ەسىگىن اشقاندا، انامىزدىڭ تاڭدانىسىندا شەك بولماعان. سەبەبى تەرىمىزدىڭ ءتۇسى سياقتى بالانىڭ ەرەكشەلىكتەرى جۇكتىلىك كەزىندە ۋ د ز ارقىلى بەلگىلى بولا المايدى عوي، - دەيدى ليۋسي.
- انامىز ءتىپتى ەكەۋىمىزدىڭ ەكى ءتۇرلى بولىپ جارىق دۇنيەگە كەلەتىنىمىزدى ءۇش ۇيىقتاسا دا تۇسىندە كورمەگەن شىعار. ءبىز تۋىلعان ساتتە مەدبيكە انامىزدىڭ قولىنا ءبىزدى ۇستاتقاندا، تىلىنەن ايىرىلىپ قالا جازداپتى».
«ەشكىم دە ءبىزدىڭ ەگىز ەكەنىمىزگە سەنبەيدى. سەبەبى مەن - قارامىن، ال ليۋسي - اق، - دەيدى ماريا. - بىردەي كيىنگەننىڭ وزىندە دە ەگىز تۇگىلى، اپالى- سىڭلىلەرگە دە ۇقساتپايدى. باسقا ادامدارمەن تانىسقان كەزدە ولار بىزدەن دالەل رەتىندە جەكە كۋالىكتەرىمىزدى سۇرايدى».
قىزداردىڭ شىققان جانۇياسى كىشكەنتاي ەمەس، ولاردىڭ ەكى اعاسى مەن اپكەسى بار. كوبى قىزداردىڭ اتا- اناسىنىڭ ءبىر بولعانىنا مۇلدەم سەنبەيدى ەكەن. اپالى- سىڭلىلەر كىشكەنتاي بولعاندا اينالاداعى ادامدار ولاردى وسى «ەرتەگىنى» وزدەرى قۇرىپ العان جاقىن قۇربىلار دەپ ويلاعان كورىنەدى.
قازىر اپالى- سىڭلىلەر ەكى ءتۇرلى كوللەدجدە وقيدى. ماريا چەلتنەمدە قۇقىقتانۋ ماماندىعىنا وقىپ جۇرسە، ليۋسي گلوستەردە بەينەلەۋ ونەرىنىڭ قىر- سىرىن تانىپ- بىلۋدە. الايدا وسىعان قاراماستان، ولار - ءبىر- بىرىنە ۇقسامايتىن مۇلدەم ەكى ءتۇرلى جاندار. قىزداردىڭ وزدەرى ارامىزداعى بايلانىس كۇشتى دەيدى.
www.24.kz
