اقتوبەدە ايەلدەر كۇنىنە ارنالعان مەرەكەلىك جارمەڭكە ءوتتى

«تابىس» كوممۋنالدىق بازارىندا وتكەن جارمەڭكەگە كەلۋشىلەردىڭ قاراسى مول. سەبەبى مەرەكەلىك داستارقانعا قاجەتتىنىڭ ءبارىن وسى جەردەن تابۋعا بولادى.

ساتۋشىلار تۇتىنۋشىلاردىڭ كوڭىلىن كوتەرۋ ءۇشىن اراسىندا ءان شىرقاپ، ءبي دە بيلەپ ءجۇردى. ەر ازاماتتار جاعى قىردىڭ قىزعالداعىن كوتەرە الىپ جاتىر. جارمەڭكەگە جينالعان جۇرت ءبىر- ءبىرىن قۇتتىقتاپ، اسىرەسە ايەلدەر قاۋىمىنا قۇرمەت كورسەتۋدە.

جەرگىلىكتى تاۋار وندىرۋشىلەر ەت پەن ءسۇت ونىمدەرىن، شۇجىق پەن كونديتەرلىك بۇيىمداردى تولتىرىپ قويعان. «ايس+» ءسۇت زاۋىتى بۇگىن ءونىم باعاسىن ءسال تومەندەتىپ، ايەلدەرگە سىي جاساپتى.

زاۋىت ديرەكتورى گۇلنار جانداۋلەتوۆا ايەل ەڭبەگىن جوعارى باعالايتىنىن ايتادى. ءوزى سوڭعى 2  جىلدا كاسىپكەرلىك پەن ءۇي شارۋاسىن قاتار الىپ ءجۇر. ول باسقاراتىن كاسىپورىن جىلىنا 7 ميلليون ليتر تابيعي ءسۇت وندىرەدى.

جارمەڭكەدە ازىق- تۇلىك باعاسىن تۇراقتاندىرۋ قورىنىڭ ونىمدەرى دە سورەگە شىعارىلدى. كوكونىس وزگە بازارلاردان 20 پايىز ارزان باعامەن ساتىلۋدا. وبلىس ورتالىعىنا جاقىن ورنالاسقان اۋدانداردان دا كەلىپ الىپ جاتقاندار كوپ.

جارمەڭكەدە 4 توننا ەت، 2 تونناعا جۋىق ءسۇت ونىمدەرى مەن 15 توننا كارتوپ جانە كوكونىس ساتىلدى. اۋىلشارۋشىلىعى تاۋار وندىرۋشىلەرى ءوز ونىمدەرىن دەلدالسىز، تىكەلەي اكەلگەندىكتەن، ولار ءۇشىن دە ءتيىمدى بولدى، دەپ جازادى 24.kz.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى