نازاربايەۆ ءسابينا التىنبەكوۆاعا ەرلەردىڭ ماقتاۋىنا سەنبەۋدى ەسكەرتتى
«ءبارىڭىز ەستىدىڭىزدەر مە، ول تاڭعالدىردى عوي. ول ويىننان گورى ءوزىن كورسەتە ءبىلدى. ەڭ ادەمى ۆولەيبولشى. ويناپ ءجۇرسىڭ بە قازىر، الدە قويدىڭ با؟»، - دەپ سۇرادى مەملەكەت باسشىسى. وعان التىنبەكوۆا «ءيا، قازاقستاننىڭ جاستار قۇراماسىندا ويناپ ءجۇرمىن» دەپ جاۋاپ بەردى.
«سەن جولىڭنان تايما. ەر ادامدار كەيدە ماقتاپ وتىرىپ، وتىرىك ايتادى. ءوز- وزىڭە سەن، سوندا ءبارى جاقسى بولادى. جاقسى سپورت. بار بولعانى 18 جاستا تانىمال بولدى، ب ا ق (اقپارات) ونى چەمپيوناتتىڭ ەڭ ادەمى ۆولەيبولشىسى دەپ اتادى. وندا قانشاسىنشى ورىن الدىڭدار؟»، - دەدى نازاربايەۆ. «15 كوماندانىڭ ىشىندە التىنشى»، - دەپ جاۋاپ بەردى ۆولەيبولشى.
«بۇل ماڭىزدى ەمەس، باستىسى - سەنى مويىندادى»، - دەدى پرەزيدەنت.
ەسكە سالا كەتەيىك، بۇعان دەيىن مەملەكەت باسشىسىنىڭ ەلىمىزدىڭ قىز- كەلىنشەكتەرىنە بىرنەشە كەڭەس بەرگەنى حابارلانعان ەدى. پرەزيدەنت ايەلدەردىڭ قوعامنىڭ مورالدىق نەگىزىن ساقتاۋداعى ءرولىنىڭ ەرەكشە ەكەنىن ايتتى. «ارينە، مەنى جاستار اراسىندا بايقالاتىن كەيبىر ساتتەر الاڭداتادى. اجىراسۋلار، باسقا دا جاعدايلار از ەمەس. مۇنداي جايتتار قاشاندا بولعان، ءبىراق قازىر مىنەز- قۇلىق ەركىن بولا باستادى. سوعان قاراماستان، مەملەكەتتىڭ مورالدىق نەگىزى سىزدەرگە بايلانىستى. ەگەر ايەل ادام كوشەدە باسىن تىك كوتەرىپ، ەشكىمگە قاراماي جۇرسە، وعان ەشكىم دە جاقىندامايدى. ال ەگەر ول جان- جاعىنا كوزىن سۇزەتىن بولسا، وعان ءبارى جابىسا باستايدى»، - دەدى مەملەكەت باسشىسى.
«شىن مانىندە، ەركەكتەردى سىزدەر تاڭدايسىزدار، ولار سىزدەردى ەمەس. ولار وزدەرىنشە سولاي ويلايدى. سوندىقتان ءبارى جاقسى بولۋى ءۇشىن دۇرىس تاڭداۋ جاساڭىزدار»، - دەدى مەملەكەت باسشىسى.
