تەمەكى كونترابانداسى ءۇشىن سوتتالعان ديپلومات ەلگە ەكستراديتسيالاندى
«ق ر باس پروكۋراتۋراسى كورسەتىلگەن تۇلعالارعا قاتىستى وسىعان دەيىن جەكە وندىرىسكە شىعارىلعان جانە توقتاتىلعان قىلمىستىق ءىستى جانداندىردى، سوتقا دەيىنگى تەرگەۋ جۇرگىزىلۋدە»، - دەلىنگەن باس پروكۋراتۋرانىڭ قازتاگ سۇرانىمىنا جۇما كۇنى بەرگەن جاۋابىندا.
ۆەدومستۆوداعىلار 2015-جىلدىڭ 16- اقپانىندا قازاقستاننىڭ فرانكفۋرت- ا م- ماينداعى بۇرىنعى باس كونسۋلى احات الپىسبايەۆ پەن ونىڭ قاراماعىنداعى قايرات ءادىروۆ جازانىڭ قالعان بولىگىن وتەۋدەن بوساتىلعاننان كەيىن قازاقستانعا قايتارىلعان ەدى.
فرانكفۋرت- ا م- ماينداعى جەر سوتىنىڭ 2014-جىلدىڭ 29- ساۋىرىندەگى ۇكىمىمەن ديپلوماتتار ايىپتى دەپ تانىلىپ، سالىق تولەمەگەنى جانە كونتراباندا ءۇشىن سوتتالدى.
ودان وزگە، باس پروكۋراتۋرا تەمەكى كونترابانداسى دەرەگى بويىنشا 2014-جىلدىڭ قازانىندا سوتتالعان اتالمىش قىلمىستىڭ سىبايلاسى ر. جاقىپبەكوۆكە قاتىستى قىلمىستىق ءىس قوزعادى.
ق ر باس پروكۋراتۋراسىنان 2013-جىلدىڭ 6- ناۋرىز-28- تامىز ارالىعىندا سىرتقى ىستەر مينيسترلىگىنىڭ قىزمەتكەرلەرى ا. الپىسبايەۆ پەن ق. ءادىروۆتىڭ سىبايلاستارىمەن بىرگە ديپلوماتيالىق پوشتا جەلەۋىمەن تەمەكى بۇيىمدارىن قازاقستاننان گەرمانياعا بىرنەشە مارتە جەتكىزىپ كەلگەنىن ەسكە سالدى.
