الماتى وبلىسىندا ايەل پوليتسەيلەر قۇرمەتىنە كونسەرت ۇيىمداستىرىلدى - فوتو
تاراتىلعان اقپاراتقا قاراعاندا، بۇگىندە ءوڭىردىڭ ىشكى ىستەر ورگاندارىندا 307 ايەل پوليتسەيلەر قىزمەت اتقارادى، ولاردىڭ 255- ءىنىڭ وفيتسەر شەنى بار. ولاردىڭ اراسىندا 6 ايەل پوليتسيا پولكوۆنيكتەرى شەنىندە - ولار: ءى ءى د شتابىنىڭ باستىعى گۇلبارا جيرەمبايەۆا، تەحنيكالىق بايلانىس باسقارماسىنىڭ باستىعى زاعيرا داۋلەتوۆا، ءى ءى د شتابى باستىعىنىڭ ورىنباسارى - ليۋدميلا تەريايەۆا، ءى ءى د اقپاراتتىق-تالداۋ ورتالىعى باستىعىنىڭ ورىنباسارى جانار تۇرعانبەكوۆا، ءبولىم باستىعى لاريسا كان جانە كريمينالدىق پوليتسيا باسقارماسىنىڭ اسا ماڭىزدى ىستەر جونىندەگى جەدەل ۋاكىلى اينا بايمۇحامبەتوۆا.
«قۇقىق ءتارتىبىن ساقتاۋ جانە قىلمىسپەن كۇرەس مايدانىندا ايەلدەر ەرلەرمەن قاتار ادال جانە جانقيارلىقپەن ەڭبەك ەتۋدە. ايەلدەر تۇيسىگى، تۋراشىلدىعى، تارتىپتىلىگى جانە ولاردىڭ جان جىلۋى پوليتسەي جۇمىسىندا دا اسا قاجەت. ءبىزدىڭ ايەلدەرىمىز الداعى ۋاقتىتتا دا بۇگىندە ىشكى ىستەر ورگاندارىنىڭ الدىندا تۇرعان كوپتەگەن مىندەتتەردىڭ شەشۋگە لايىقتى ۇلەس قوساتىنىنا سەنىمدىمىن»، - دەدى ءوز سوزىندە ءى ءى د باستىعى مۇرات ۇرىمحانوۆ.
ءى ءى د باسشىلىعىنىڭ اتىنان الماتى وبلىسىنىڭ پوليتسياسىندا قىزمەت ەتەتىن ايەلدەردىڭ بارلىعىنا اقشالاي سىيلىق ءبولىندى. قىزمەتىندە ۇزدىك شىققاندارعا ق ر ءى ءى م گراموتالارى مەن توسبەلگىلەرى، ەرەكشە ەڭبەك سىڭىرگەندەرگە كەزەكتى شەندەر، سونداي-اق باعالى سىيلىقتار تاپسىرىلدى.
پوليتسەيلىك قىزمەتتىك بورىشىن اتقارۋ ۇستىندە قايتىس بولعانداردىڭ جەسىرلەرى مەن ارداگەرلەر دە ەسكەرۋسىز قالعان جوق، ولارعا ءى ءى د تاراپىنان باعالى سىيلىقتار تارتۋ ەتىلدى.
ءى ءى د ەرلەرى ولارعا گۇل شوقتارى مەن سىيلىقتار ۇسىنۋمەن قاتار، ايەلدەر قۇرمەتىنە ۇلكەن مەرەكەلىك كونسەرت قويدى. پوليتسەيلەر حورىنىڭ ورىنداۋىنداعى «ۆالس كورولى» ءشامشى قالداياقوۆتىڭ شىعارمالارى، پوليتسەيلەردىڭ بالالارى ورىنداعان اندەر جينالعانداردىڭ قوشەمەتىنە يە بولدى.
