وسكەمەندىك جاس عالىم جول ۇستىندەگى مۇزدى وياتىن ماشينا ويلاپ تاپتى

ءديدار عىلىمي جوبانى باستاماس بۇرىن كىشكەنتاي تەحنيكالىق بولشەكتىڭ مۇمكىندىگىن پايدالانىپتى. كەيىن قار تازالايتىن ماشينانىڭ نەگىزىندە قۇراستىرىپ شىعىپتى.

ءديدار قاسىم، د. سەرىكبايەۆ اتىنداعى ش ق م ت ۋ كافەدراسىنىڭ زەرتحانا مەڭگەرۋشىسى، جاس عالىم:

- تروتۋارادان كەلە جاتىپ، سىرعىپ اياعىمىز قۇلاپ، سودان جول تازالاۋشىلار جولدى بالتامەن ويىپ، سوعان قاراپ- قاراپ قالاي مۇزدى ويۋعا بولادى ەكەن ماشينامەن دەپ ويلاندىم. مىنا اگرەگات 10-15 كىسىنىڭ جۇمىسىن ىستەيدى. جانار- جاعارمايى جەتكىلىكتى بولسا، بۇل ماشينا توقتاۋسىز جۇمىس ىستەيدى.

«تەحنيكا ۋاقىتتى ۇنەمدەۋگە سەپتىگىن تيگىزەدى ءارى ەكونوميكالىق تۇرعىدان دا ءتيىمدى»، - دەيدى جاس عالىم. ويتكەنى قىس مەزگىلىندە جول ۇستىندەگى مۇزدى ويۋ ءۇشىن قىرۋار جۇمىس كۇشىن قاجەت ەتەدى.

زاۋرە ەلدارت قىزى، ءتىلشى:

 - مىنانداي سۇيمەنمەن مۇزدى ويۋ ءۇشىن ءبىرتالاي ۋاقىت كەرەك. قارا كۇش تە قاجەت. ءتىپتى وسىنداي كەزدە كوكتايعاقتى ويعان سايىن اسفالتتىڭ ءوزى ويلى- شۇڭقىر بولىپ قالادى. جاس عالىمنىڭ ويلاپ تاپقان يننوۆاتسيالىق ءادىسى وسىندايدا كەرەك-اق.

بۇدان بولەك تەحنيكالىق ۋنيۆەرسيتەتتىڭ شاعىن زەرتحاناسىندا بىرنەشە عىلىمي جوبا قولعا الىنعان. ماسەلەن، مىنا شاعىن قۇرال التىندى سۋمەن شايۋ، سۇزگىدەن وتكىزۋ سىندى بىرنەشە كەزەڭدى ءبىر مەزەتتە اتقارا الادى.

ميحايل دۋدكين، د. سەرىكبايەۆ اتىنداعى ش ق م ت ۋ تەحنولوگيالىق ماشينا قۇراستىرۋ جانە ترانسپورت كافەدراسىنىڭ دەكانى:

- ۋنيۆەرسيتەت اشقان جاڭالىق التىن ءوندىرۋ ىسىندە وتە قاجەت. وندىرىستە 20 ادامنىڭ اتقاراتىن قىزمەتىن مىنا كىشكەنتاي تەحنيكا ءبىر ءوزى ورىنداي الادى. ەسەسىنە تازا الاتىن وندىرۋگە بولادى.

ۋنيۆەرسيتەتتىڭ ونەرتاپقىشتارى ويلاپ تاپقان جاڭالىقتار ءتۇرلى دەڭگەيدەگى گرانتتاردى دا يەلەنىپتى. مۇنداي زاماناۋي جوبالاردىڭ وندىرىسكە ەنگىزىلۋى جۇمىس ۇدەرىسىن جەڭىلدەتىپ، قول ەڭبەگىن ازايتۋعا مۇمكىندىك بەرەرى ءسوزسىز.

www.khabar.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى