ايەلدەر مەيرامى قارساڭىندا ەلىمىزدە شەتەل كاسىپكەرلەرى ءبىر بايىپ قالادى
ەكونوميستەر الماتىلىقتاردىڭ ەلىمىزدىڭ وزگە وڭىرلەرىنىڭ تۇرعىندارىنا قاراعاندا اسا رومانتيك ەكەنىن ايتىپ وتىر. ساراپشىلاردىڭ مالىمەتىنشە، 8 - ناۋرىز مەرەكەسى قارساڭىندا رەسپۋبليكا بويىنشا بارلىعى 100 ميلليون دوللاردىڭ گۇلى ساۋدالانادى ەكەن.
سول تاۋاردىڭ 70 پايىزى شەتەلدەن كىرسە، تەك 30 پايىزى عانا وتاندىق كاسىپكەرلەرگە تيەسىلى. ايتا كەتەيىك، جىلىنا ءبىر كەلەتىن مەيرامدا قازاقستاندىق ەر ازاماتتاردىڭ 75 پايىزى قىرۋار قارجىسىن ارۋلارعا گۇل ساتىپ الۋعا جۇمسايدى.
ەكونوميست ماقسات سەرالىنىڭ ايتۋىنشا، ەلىمىز بويىنشا 8 - ناۋرىزدا ءار ەر ازاماتتىڭ ورتاشا ەسەپپەن 5000-25000 تەڭگە ارالىعىندا گۇل ساتىپ الادى. «گۇل ءوسىرۋ، ساتۋ - وتە ءتيىمدى بيزنەس. ءبىراق بۇل اۋماعىنا بايلانىستى. مىسالى، شەتەلدەن كەلگەن گۇلدەردىڭ 70 پايىزى استانا مەن الماتىدا ساتىلادى»، - دەدى ول.
كاسىپكەرلەر گۇل باعاسىنىڭ كۇرت كوتەرىلۋىنە شەتەلدىك ارىپتەستەرى مەن جەرگىلىكتى شارۋالاردى كىنالايدى. سەبەبى، ولار مەيرامعا قارسى سۇرانىستىڭ كوپتىگىن سىلتاۋ ەتىپ، تاۋار قۇنىن ەكى ەسەلەپ جىبەرەدى. ماسەلەن، قىستىگۇنى 200 تەڭگە تۇرعان راۋشاندى وتاندىق جىلىجايلار مەن نيدەرلاندى كاسىپكەرلەرى 400 تەڭگەدەن ساتىپ جاتىر. بۇل سوماعا دەلدالدىڭ جۇمىسى دا قوسىلادى. وسىعان قاراماستان، تەلەارنا تىلشىلەرىنە بەرگەن سۇحباتىندا ساۋداگەرلەر گۇل ساۋداسىنىڭ قىزىپ تۇرعانىن ايتادى. ماسەلەن، الماتىداعى ءبىر دۇڭگىرشەك تاۋلىگىنە 20 مىڭ دانا گۇل ساتىلاتىن كورىنەدى.
كاسىپكەر باتىرحان جاكەيدىڭ ايتۋىنشا، ءبىر كۇندە دۇڭگىرشەكتەن 500 ادام گۇل ساتىپ الادى. «ءبىر كۇنى جۇزدەن استام، مىسالى، 8 - ناۋرىزدا بۇل جەرگە 500 دەن استام ادام كەلەدى. ءبىزدىڭ ەڭ قىمبات گۇل شوعىمىزدا 501 تال گۇل بار. ونىڭ قۇنى - 2500 دوللار»، - دەدى ول.
