ق ر ۇكىمەتى جالدامالى باسپانا بويىنشا اي سايىنعى جۇمىس جوسپارىن بەكىتتى

بۇل تۋرالى بۇگىن ق ر پارلامەنتى سەناتىندا ق ر پرەمەر- ءمينيسترىنىڭ ءبىرىنشى ورىنباسارى باقىتجان ساعىنتايەۆ ايتتى.

«ءبىز جالعا بەرىلەتىن باسپانانىڭ اي سايىنعى جوسپارىن بەكىتتىك. سوندىقتان سەلەكتورلىق وتىرىستاردى ءجيى وتكىزەتىن بولامىز. ءبىزدىڭ قويىپ وتىرعان تالاپتارىمىز - باعدارلاما بويىنشا قانداي كومپانيا قانداي قالادا قۇرىلىس باستالاتىنىن انىقتاپ الۋ قاجەت جانە ولار ءبىرىنشى جانە بەسىنشى قاباتتاردى سالىپ بولعان سوڭ پاتەرلەردىڭ كىلتىن بىردەن تاپسىرادى. مۇنىڭ بارلىعى جوسپاردا تولىق بەكىتىلگەن. سەلەكتورلىق وتىرىستاردا ءبىز وڭىرلەرمەن بىرلەسە وتىرىپ، وسى ماسەلەلەردى قاداعالايتىن بولامىز. ەڭ باستى تالاپ - حالىق الدىنداعى ەسەپ. ەگەر دە قانداي دا ءبىر كەمشىلىك شىقسا، بارلىق جۇمىسىمىز ەش كەتەدى»، - دەپ ءتۇسىندىردى ب. ساعىنتايەۆ دەپۋتاتتاردىڭ سۇراعىنا جاۋاپ بەرۋ بارىسىندا.

ونىڭ ايتۋىنشا، بيىل قازاقستان بويىنشا «نۇرلى جول» باعدارلاماسى اياسىندا جالدامالى تۇرعىن ءۇي سالۋعا بولىنەتىن بيۋدجەت قاراجات مولايتىلدى.

«2014 -جىلى رەسپۋبليكالىق بيۋدجەتتەن جالدامالى تۇرعىن ۇيگە 35,9 ميلليارد تەڭگە بولىنگەن بولاتىن. ولار تولىق يگەرىلدى. بۇدان بولەك، بيىل اياقسىز قالعان قۇرىلىستاردى سالىپ بىتىرۋگە قوسىمشا 14 ميلليارد تەڭگە قاراستىرىلىپ وتىر. 2015 -جىلى «نۇرلى جول» باعدارلاماسى اياسىندا جالدامالى تۇرعىن ءۇي سالۋعا 92,5 ميلليارد تەڭگە بولىنگەن، ولار تولىعىمەن يگەرىلەدى. بۇل باعىتتاعى جۇمىستار بەلسەندى تۇردە جۇرگىزىلۋدە. ءبىز تەك تۇرعىن ۇيلەردى سالىپ قانا قويماي، سالىنعان ۇيلەردى دە ساتىپ الامىز. بيىل استانا، الماتى جانە قوستاناي قالالارىندا 2157 پاتەر قولدانىسقا بەرىلەدى. شىمكەنت پەن اقتوبەدە - 1222 پاتەر بەرىلەدى. ەڭ العاشقىلاردىڭ ءبىرى بولىپ، قىزىلوردا مەن كوكشەتاۋدا شامامەن ءساۋىر ايىندا پاتەرلەر بەرىلە باستايدى. دەگەنمەن قۇرىلىس جۇرگىزەتىن كومپانيالارعا دەگەن قاداعالاۋ وتە كۇشتى بولادى»، - دەپ ءتۇيدى ب. ساعىنتايەۆ.

اۆتور: ءابۋ- اسقار مەكەش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى