باس رەداكتورلار كلۋبى ەتيكالىق نورمالاردى ۇستانۋ تۋرالى حارتيانى قولداۋعا شاقىرادى - فوتو
حارتيانى قابىلداۋ ءراسىمى استانا قالاسىنداعى ق ر ۇلتتىق اكادەميالىق كىتاپحاناسىندا بۇقارالىق اقپارات قۇرالدارىنىڭ باسشىلارى مەن وكىلدەرىنىڭ كەزدەسۋى بارىسىندا ءوتتى.
«كلۋبتىڭ باستاماسىمەن ازىرلەنگەن حارتيا كوپتەگەن ب ا ق رەداكسيالارىندا تالقىلانۋ ۇستىندە. قازىردىڭ وزىندە ونى رەسپۋبليكالىق ب ا ق باسىلىمدارىنىڭ 10 عا جۋىق رەداكسياسى تالقىلاعان. وسىلايشا، اتالعان حارتياعا 350 گە جۋىق ارىپتەسىمىز قول قويدى. مەن بۇل ساياسي ماڭىزدى كەزدە جاۋاپكەرشىلىكتى سەزىنىپ وتىرعان بارلىق ارىپتەستەرىمىز قوسىلىپ، وعان قول قويادى دەپ ويلايمىن»، - دەدى باس رەداكتورلار كلۋبىنىڭ پرەزيدەنتى بيبىگۇل جەكسەنباي.
ب. جەكسەنباي بۇدان باسقا، حارتيانىڭ ماقساتى - ءبىزدىڭ ارىپتەستەرىمىزدىڭ حالىقارالىق ستاندارتتارعا ساي ەتيكالىق نورمالاردى ساقتاۋى - «قارا پيار» ۇستانۋ مەن رەيتينگتەردى قۋالاۋدان الشاق بولۋ، كۇماندى اقپاراتتى تاراتپاۋ بولىپ تابىلاتىنىن ءتۇسىندىردى.
بۇل حارتيا ءوزارا ىنتىماقتاسا جۇمىس ىستەپ وتىرعان بارلىق تاراپتاردىڭ اراسىندا ءوزارا سىيلاستىقتى، سونداي- اق مۇددەلەردى ەسەپكە الۋ، جوعارى ساياسي مادەنيەت، سەنىمدى ءارى تولىق اقپارات جۇيەسىن قۇرۋدى كوزدەيدى. وسىنداي تالاپپەن جۋرناليستەر سايلاۋدىڭ ءادىل جانە اشىق ءوتۋىن قامتاماسىز ەتۋگە، بارلىق كانديداتتارعا ب ا ق- قا تەڭ قۇقىلى قولجەتىمدىلىك بەرىلۋىنە سەپتىگىن تيگىزە الادى. قابىلدانعان قۇجات ق ر كونستيتۋتسياسى، ق ر سايلاۋ، ب ا ق تۋرالى زاڭناماسىنىڭ نەگىزىندە قۇرىلعان.
«اتالعان حارتيا - قانداي دا ءبىر سەنزۋرانىڭ ەنگىزىلۋى ەمەس جانە ول جۋرناليستەردىڭ جۇمىسىنا شەكتەۋ قويمايدى. «قازاقپارات» ح ا ءا ۇجىمى بۇل قۇجاتپەن تانىسىپ وتكەن سوڭ، وعان تولىعىمەن قول قويدى. قازاقستاننىڭ بارلىق جۋرناليستەرىن حارتياعا قول قويۋعا شاقىرامىن، بۇل بۇكىل الەمگە ءبىزدىڭ بىرلەسكەن كۇش- جىگەرىمىزدى - قازاقستاندىق جۋرناليستەردىڭ ەل يگىلىگى ءۇشىن جۇمىلا ەڭبەك ەتەتىندىگىن كورسەتەدى»، - دەپ اتاپ ءوتتى «قازاقپارات» حالىقارالىق اقپاراتتىق اگەنتتىگىنىڭ باس ديرەكتورى داۋرەن دياروۆ.
كلۋب وتىرىسىنا «قازاقپارات» حالىقارالىق اقپاراتتىق اگەنتتىگىنىڭ باس ديرەكتورى داۋرەن دياروۆ، «ەگەمەن قازاقستان» رگ ا ق- نىڭ پرەزيدەنتى ساۋىتبەك ابدراحمانوۆ، «قازاقستان» ر ت ر ك باسقارماسىنىڭ ءتورايىمى نۇرجان مۇحامەدجانوۆا، «كازاحستانسكايا پراۆدا» ا ق باسقارماسىنىڭ ءتوراعاسى الەكساندر تاراكوۆ جانە باسقا دا ءبىرقاتار ب ا ق باسشىلارى قاتىسىپ، قابىلدانىپ وتىرعان قۇجاتتىڭ ماڭىزدىلىعى مەن وزدەرىنىڭ ۇجىمدارىنىڭ اتالعان باستامانى قولدايتىنىن اتاپ ءوتتى.
