قازاق فيلم كوپ سەريالى تاريحي جوبانى جۇزەگە اسىرۋعا كىرىستى - فوتو

 بۇل تۋرالى بۇگىن الماتىدا «قازاق فيلم» ا ق وكىلدەرى وتكىزگەن باسپا ءسوز ءماليحاتىندا بەلگىلى بولدى.

شارا بارىسىندا «قازاق فيلم» ا ق ءتوراعاسى باقىت قايىربەكوۆ مەملەكەت باسشىسىنىڭ ۇسىنعان تەلەۆيزيالىق جوبانىڭ بىرەگەيلىگىن اتاپ ءوتتى.

 جاستاردىڭ پاتريوتتىق تاربيەنى بويىنا ءسىڭىرۋى بۇگىنگى تاڭدا وتە وزەكتى پروبلەما.

 «كارتينا قازاق حاندىعىنىڭ قۇرىلۋ كەزەڭدەرىن سيپاتتايدى. ەۋرازيا كەڭىستىگىندە مىڭداعان كوشپەلى تايپالاردىڭ جانىبەك پەن كەرەي سۇلتاننىڭ قول استىنا جينالۋى مەن ولاردىڭ بالالارى قاسىم مەن بۇرىندىق حان بيلەگەن كەزەڭدەر دە كورىنىس بەرەدى»، - دەدى كينوستۋديانىڭ ءبىرىنشى ۆيتسە- پرەزيدەنتى ارمان اسەنوۆ.

تۋىندىنىڭ قويۋشى رەجيسسەرى رۇستەم ابدىراشيەۆ قازاق مەملەكەتتىلىگىنىڭ يۆان گروزنىيدىڭ ءوزىن پاتشا جاريالاۋىنان 100 جىلعا ەرتە قالىپتاسقاندىعىن ايتتى.

«ءبىز جاڭا مەملەكەتتىڭ قالىپتاسۋىن باستان كەشە وتىرىپ، تاريحتى يدەولوگيالىق تۇرعىدان بۇرمالاۋسىز اشىق كورسەتە الامىز»، - دەدى ول.

سەريالدى رۇستەم ابدىراشيەۆ پەن ەرمەك تۇرسىنوۆتىڭ رەجيسسەرلىك كومانداسى تۇسىرەتىن بولادى. كينو الماتى وبلىسىندا 150 كۇن ىشىندە تۇسىرىلەدى. كينو قازاقشا ءتۇسىرىلىپ، باسقا تىلدەرگە اۋدارىلادى. قىركۇيەكتە مونتاجدى باستاپ، 16 - جەلتوقان - قازاقستان تاۋەلسىزدىگى مەيرامىندا پرەمەراسىن ۇسىنامىز»، - دەدى ب. قايىربەكوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى