قىزىلوردادا يبالى كەلىندەر سىنعا ءتۇستى - فوتو

بۇل تۋرالى قازالى اۋداندىق اكىمدىگىنىڭ باسپا ءسوز قىزمەتىنەن حابارلادى.

جاس كەلىندەردى حالىققا تانىستىرا وتىرىپ ولاردى يناباتتىلىققا باۋلۋ ماقساتىندا ۇيىمداستىرىلعان سايىسقا اۋىلدىق مەكەمەلەردىڭ ۇلگىلى كەلىندەرى قاتىسىپ، ءوزارا باق سىناستى.

ولار وزدەرىن كوپشىلىككە تانىستىرۋ، سۇراقتارعا جاۋاپ بەرۋ، ونەرلەرىن ورتاعا سالۋ، قولونەر بۇيىمدارىن دايىنداۋ جانە ەنە مەن كەلىن اراسىنداعى سىيلاستىق تۋرالى كورىنىستەر كورسەتۋمەن قاتار، ۇلتتىق تاعام تۇرلەرىن ازىرلەۋدەن سايىستى.

شارا بارىسىندا قازاق كەلىندەرىنىڭ يبالىلىعى مەن يناباتتىلىعىنا، حالقىمىزدىڭ سالت- داستۇرلەرىن ساقتاي بىلۋىنە، ءجۇرىس- تۇرىسى مەن ساحنا مادەنيەتىن يگەرۋىنە، سويلەۋ مادەنيەتىنە، بىلىمدىلىگى مەن بىلىكتىلىگىنە جانە كيىم كيۋ ۇلگىسىنە باسا نازار اۋدارىلدى.

ناتيجەسىندە اۋىلدىق ەمحانا ۇجىمىنىڭ اتىنان سىنعا تۇسكەن ءومىرزاقوۆا ارداق جان- جاقتى دايىندىعىمەن وق بويى وزىپ شىعىپ، باس جۇلدەنى جەڭىپ السا، ءبىرىنشى ورىندى №100 مەكتەپ دوداعا قوسقان نۇرقوجايەۆا الفيرا، ەكىنشى ورىندى №9 بالاباقشا ۇجىمىنان قاتىسقان بايمۇراتوۆا گۇلنارا جانە ءۇشىنشى ورىندى اۋىلدىق كلۋبتىڭ اتىنان سىنعا تۇسكەن يسايەۆا شىنار يەلەندى.

جۇلدەگەرلەرگە ارنايى ديپلومدار مەن باعالى سىيلىقتار تابىس ەتىلدى.

 

 اۆتور: ەلۋباي اۋەزوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى