جاپون قىزى سەرينا سۋناگاۆا قازاقتىڭ سالتىنا سايكەس ەلباسىعا سالەم سالدى

«مەن جاپون قىزىمىن، قازاقتىڭ كەلىنىمىن. «استانا وپەرانىڭ» سوليستىمىن. جالپى قازاق پەن جاپون ۇقساس حالىقتار. مەن قازاقتىڭ سالتىمەن، جاپوننىڭ داستۇرىمەن سىزگە سالەم سالامىن»، - دەپ ءيىلىپ سالەم سالدى سەرينا سۋناگاۆا كەزدەسۋ بارىسىندا.

ەلباسى بۇعان ريزاشىلىعىن ءبىلدىرىپ: «باقىتتى بول»، - دەدى.

«مەن بالالىق شاعىمدى وكيناۆا ارالىندا وتكىزگەنمىن. ول جەردە قار بولمايدى، قىستىڭ وزىندە جىلى. سوندىقتان دا مەن بۇرىن دالادا قاقاعان ايازدا ارتىستەر قالاي تەاترعا بيلەۋگە بارادى دەپ ويلاۋشى ەدىم. قازىر مەن تەاترعا اسا ىنتازارلىقپەن، كوتەرىڭكى كوڭىل-كۇيمەن بارامىن، اۋا رايىنىڭ قولايسىزدىعىنا قاراماستان. ويتكەنى، «استانا وپەرا» مەنىڭ ارمانىم بولاتىن. مەن جاس كۇنىمدە ارمانداعاننىڭ بارلىعى استانا وپەرا» تەاترىندا قامتىلعان. مەن باقىتتىمىن. مەن وسى ءۇشىن ونەر ادامى رەتىندە سىزگە العىسىمدى جەتكىزگىم كەلەدى»، - دەدى سەرينا سۋناگاۆا.

ايتا كەتەيىك، سەرينا سۋگاناۆا «استانا وپەرا» تەاترىنىڭ بالەريناسى. 2005-2013-جىلدار ارالىعىندا استاناداعى ك. بايسەيىتوۆا اتىنداعى ۇلتتىق وپەرا جانە بالەت تەاترىندا ەڭبەك ەتتى. 2013-جىلدان «استانا وپەرا» تەاترىندا. وپەرالىق ءارتىس سۇندەت بايعوجينگە تۇرمىسقا شىققان. قازىر ولاردىڭ وتباسىندا ءسانيا اتتى قىز ءوسىپ كەلەدى.

«استانا وپەرا» سەكىلدى تەاتردا ونەر كورسەتۋ مەنىڭ ارمانىم بولعان ەدى. قازىر وسى ارمانىم ورىندالدى. وسى ءۇشىن سىزگە ۇلكەن العىسىمدى ايتقىم كەلەدى»، - دەدى قازاقتىڭ كەلىنى.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى