اسپاننان ادام «جاۋعان» كۇن - كەسكىن
ناقتىراق ايتقاندا، اسا ءىرى جول- كولىك اپاتىنان ون ادام وپات بولعان. كولىكتەردىڭ قاتتى سوعىسقانىنان ادامدار بيىك ماگيسترالدان تومەن قۇلاعان. بۇل كورىنىستى كۋاگەرلەردىڭ ءبىرى دەرەۋ ۆيدەوعا ءتۇسىرىپ الىپ، عالامتورعا ورنالاستىرعان ەكەن.
قىتايدىڭ شنجىن باۋان حالىقارالىق اۋەجايىنا كەلگەن ادام ءبىرىنشى قاباتتا تۇرىپ، تەرەزەدەن كورگەندەرىن تەلەفونىنا ءتۇسىرىپ العان. ءبىراق ول جەردە بيىكتەن قۇلاعانداردىڭ ءبارى تۇسپەگەن. قۇلاعان ادامداردىڭ بەسەۋى سول جەردە ءتىل تارتپاي كەتكەن، قالعان تورتەۋى اۋرۋحاناعا جاتقىزىلدى. تاعى بەسەۋى اۋىر جاراقات العان. ال وسى اپاتقا كىنالى ايەل جۇرگىزۋشىنىڭ ءوزى زارداپ شەكپەگەن.
قازىرگى ۋاقىتتا ونى ءتارتىپ ساقشىلارى تەرگەپ جاتىر. ونىڭ كىناسىن جەڭىلدەتەتىن ءبىر-اق جايت بار: زارداپ شەككەندەردىڭ تۇگەلى دەرلىك جولدى كەسىپ وتپەك بولعاندار ەكەن. ولار ۇشاقتاردىڭ ۇشىپ-قونۋىن فوتوعا ءتۇسىرىپ الامىز دەپ ءجۇرىپ، وزدەرىنە جاقىنداپ قالعان اۆتوكولىكتى بايقاماعان.
