الماتىدا وتەتىن ەۋرازيا بيزنەس فورۋمىندا ەلباسى جولداۋى تالقىلانباق
«بۇگىندە قازاقستاندا بيزنەستى جۇرگىزۋگە تاماشا مۇمكىندىكتەر جاسالعان. ءبىز ەۋروپا مەن قارقىندى دامىپ كەلە جاتقان ازيا-تىنىق مۇحيتى ايماعى ەلدەرىنىڭ اراسىندا ءبىرىڭعاي مىقتى بيزنەس الاڭىن قۇرۋدى ماڭىزدى دەپ سانايمىز. نەگىزگى ويىنشىلار ا ق ش، ە و، قىتاي، اتەس ۇيىمدارىمەن تۇراقتى حالىقارالىق ىنتىماقتاستىقتا بولۋ شارت. فورۋم دەلەگاتتارىنا مەملەكەت باسشىسىنىڭ ويى مەن ماقساتىن جەتكىزۋ كەرەك»، - دەلىنگەن كوميتەت وتىرىسىندا.
ق ر مەملەكەت باسشىسىنىڭ بيىلعى جولداۋى ۇزاق مەرزىمدى ستراتەگيانى جۇزەگە اسىرۋدا ناقتى باعدارلارعا قۇرىلعاندىعىمەن ەرەكشەلەنەدى.
الەمدىك تاجىريبە كورسەتىپ وتىرعانداي، ينفراقۇرىلىمنىڭ دامۋى ىشكى سۇرانىستى ارتتىرىپ، جاڭا ءوندىرىس ورىندارىنىڭ پايدا بولۋىنا، ايماقتاردىڭ ەكونوميكالىق ينتەگراتسياسىنا اكەلەدى.
«الەمدىك داعدارىستىڭ تەرەڭدەۋى جاعدايىندا ءارى پرەزيدەنت سايلاۋى قارساڭىندا مەملەكەت باسشىسىنىڭ جولداۋىن تالقىلاۋ فورۋم اۋديتورياسىن شابىتتاندىرىپ، جاڭا شەشىمدەر مەن قادامدارعا بارۋعا يتەرمەلەيدى»، - دەپ حابارلادى ە ب ف ۇيىمداستىرۋ كوميتەتىنەن.
حالىقارالىق بيزنەس الاڭىنا اينالعان ەۋرازيالىق بيزنەس فورۋمى بيىل دا قازاقستان مەن الەم ەلدەرى اراسىندا ەكونوميكالىق دانەكەرگە اينالىپ، ۇزاق مەرزىمدى سەنىمدى سەرىكتەس تابۋعا جول اشادى.
اۆتور: گۇلميرا عوسمانالي
