اۆستراليالىق كومپانيا قازاقستاندا جوعارى ساپالى تراۆماتولوگيالىق بۇيىمدار زاۋىتىن سالۋعا ۇسىنىس جاسادى
بۇگىن ەكىجاقتى كەزدەسۋ بارىسىندا ق ر دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا مەن اۆستريالىق «I.T.S. GmbH» كومپانياسىنىڭ پرەزيدەنتى رەنە بەرنشتاينەر قازاقستاندا جوعارى ساپالى تراۆماتولوگيالىق بۇيىمدار ءوندىرۋ زاۋىتىن سالۋ ماسەلەسىن تالقىلادى.
تامارا دۇيسەنوۆا «I.T.S. GmbH» كومپانياسىنىڭ قازاقستاندا پلاستينالار، بۇراندالار، شتيفتتەر، ارنايى يمپلانتتار مەن قۇرالدار وندىرەتىن كىشى زاۋىت سالۋ تۋرالى ۇسىنىسىن زەردەلەي كەلە، ونى قولدادى.
بۇل رەتتە، مينيستر «قازىرگى ۋاقىتتا ءبىز دەنساۋلىق ساقتاۋ سالاسىن مودەرنيزاتسيالاۋدى جۇرگىزىپ جاتىرمىز جانە ونىڭ باعىتتارىنىڭ ءبىرى - جاڭا تەحنولوگيالاردى ەنگىزۋ»، - دەپ اتاپ ءوتتى.
تامارا دۇيسەنوۆا قازاقستاندا شەتەل ينۆەستيتسيالارى ءۇشىن وتە قولايلى جاعدايلار جاسالعاندىعىن، ال كەلەسى جىلدان باستاپ، شەتەلدىك جۇمىس كۇشىن تارتۋعا جەڭىلدىكتى رەجيم بەلگىلەنەتىنىن اتاپ ايتتى.
تامارا دۇيسەنوۆا «ەۋرازيالىق ەكونوميكالىق وداق شەڭبەرىندە 2016-جىلعى 1- قاڭتاردان باستاپ، ءتيىستى فارماتسيەۆتيكالىق تاجىريبەلەر (GМP) ستاندارتتارىنا سايكەس كەلەتىن دارىلىك زاتتاردىڭ جالپى نارىعى جۇمىس ىستەيتىندىگىنە بايلانىستى، ءونىمنىڭ ساپاسى جاقسى بولاتىن بولسا، ول ءۇشىن رەسەي جانە بەلارۋس نارىعى اشىق بولادى»، - دەپ تۇيىندەدى.
رەنە بەرنشتاينەر ءوز كەزەگىندە «I.T.S. GmbH» كومپانياسىنىڭ ۇسىنىسىن قولداعانى ءۇشىن جانە قازاقستاندا شەتەلدىك ينۆەستورلار ءۇشىن جاسالعان جاعدايلار تۋرالى بەرگەن اقپاراتى ءۇشىن مينيسترگە العىس ءبىلدىردى.
«سىزگە ءبىزدىڭ ۇسىنىسىمىزبەن مۇقيات تانىسقانىڭىز ءۇشىن العىس بىلدىرەمىن. تۇركيادا زاۋىت سالعاننان كەيىن ءبىز ءۇشىن تەك قازاقستاننىڭ عانا ەمەس، بۇكىل ەۋرازيالىق ەكونوميكالىق وداقتىڭ نارىعى قىزىعۋشىلىق تۋعىزادى»، - دەدى ول.
«I.T.S. GmbH» كومپانياسىنىڭ نەگىزى 1997-جىلى قالاندى، تراۆماتولوگيا مەن ورتوپەدياعا ارنالعان ءتيىمدى ماتەريالدار مەن قۇرالدار جاساۋعا مامانداندىرىلعان. كومپانيا اۆستريالىق جانە حالىقارالىق ارىپتەستەرىمەن بىرلەسىپ قىسقا مەرزىمدەردە نارىققا جاڭا جانە بىرەگەي ونىمدەر ەنگىزەدى.
«I.T.S. GmbH» ساياساتى ءبىر نەمەسە بىرنەشە ەلدىڭ قاجەتتىلىگىن قامتاماسىز ەتۋ ءۇشىن جەرگىلىكتى وندىرىستىك-قويما قۋاتتارىن سالۋدى قولدايدى.
مىسال رەتىندە 2014-جىلعى قىركۇيەكتە تۇرىكتىڭ Soylu Medical كومپانياسىمەن ارىپتەستىكتە سالىنعان «I.T.S. GmbH» زاۋىتىن الۋعا بولادى. اعىمداعى جىلدىڭ قاڭتار ايىندا «I.T.S. GmbH» ونىمدەرىنىڭ بۇكىل جەلىسىنىڭ - پلاستينالار، بۇراندالار، شتيفتتەر، ارنايى يمپلانتتار مەن قۇرالداردىڭ ءوندىرىسى باستالدى.
