استانا قالاسىندا «چەكتى تالاپ ەت - سىيلىقتى ۇتىپ ال» اكسياسى باستالدى

استانانىڭ ءار تۇرعىنى اكسياعا قاتىسا الادى، دەپ حابارلادى قالا اكىمىنىڭ باسپا ءسوز قىزمەتى.

اكسيانىڭ باستى ماقساتى - تۇتىنۋشىلاردىڭ قۇقىعىن قورعاۋ، كاسىپكەرلەردى ادال باسەكەلەستىككە ىنتالاندىرۋ، قىزمەت كورسەتۋ ساپاسىن ارتتىرۋ، كولەڭكەلى ەكونوميكا كولەمىن ازايتۋ ارقىلى رەسپۋبليكالىق جانە جەرگىلىكتى بيۋجەتكە سالىق ءتۇسىمىن ۇلعايتۋ بولماق.

اكسياعا قاتىسۋ ءۇشىن چەكتى سۋرەتكە ءتۇسىرىپ، سول سۋرەتتى  WhatsАpp  ارقىلى 77015001717+ نومەرىنە جولداۋ كەرەك. ءار چەك ءۇشىن قاتىسۋشىعا بىرەگەي نومەر بەرىلىپ، ول باعالى سىيلىقتار ۇتىسىنا قاتىسا الادى. قاتىسۋشىلار ۇيالى تەلەفوندار، سمارتفوندار مەن گاجەتتەردى ۇتىپ الۋ مۇمكىندىگىنە يە بولادى. حابارلاما نەعۇرلىم كوپ بولسا، سىيلىق ۇتۋ مۇمكىندىگى دە سوعۇرلىم جوعارى.

اكسيا تالاپتارى:

- ءبىر سۋرەتتە ءبىر چەك كورسەتىلۋى ءتيىس؛

- چەك فيسكالدى بولۋ كەرەك؛ (چەكتە ف پ، ف، F جازبالارى بولۋ قاجەت)

- چەك سۋرەتىندە مىندەتتى تۇردە كۇنى، ج س ن (نەمەسە ب ي ن)، قورىتىندى سوما كورسەتىلۋى شارت.

تومەندەگى چەكتەر ەسەپتەلمەيدى:

- ءبىر چەكتىڭ ەكى مارتە قايتالانۋى؛

- اكسيا تالاپتارىنا ساي ەمەس چەكتەر.

كاسىپكەرلەر چەك بەرمەسە نەمەسە كاسسالىق اپپاراتتار ساۋدا ورىندارىندا بولماعان جاعدايدا قاتىسۋشىلار مەملەكەتتىك كىرىس دەپارتامەنتىنە حابارلاسا الادى. ول ءۇشىن جوعارىداعى نومىرگە اقپاراتتىق حابارلاما جىبەرۋ كەرەك. حابارلامادا مىندەتتى تۇردە نىساننىڭ اتاۋى، مەكەن-جايىن (مۇمكىن بولعان جاعدايدا ج س ن، ب ي ن، سالىق تولەۋشىنىڭ اتاۋىن) جازۋ قاجەت.

سىيلىقتار ۇتىسى 2015-جىلعى 5- شىلدەدە وتكىزىلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى