الماتىدا «جەڭىس ەستافەتاسى» جاستار پاتريوتتىق اكسياسى باستالدى - فوتو

اكسيانى ق ر پرەزيدەنتى ن. نازاربايەۆ جاريالاعان «ەسكە الۋ ۆاحتاسى» جالپى ۇلتتىق اكسياسى اياسىندا الماتى قالاسىنىڭ جاستار ساياساتى باسقارماسى ۇيىمداستىردى.

«ءبىز تاريحي وقيعالارعا جاستاردىڭ نازارىن اۋدارۋعا جانە قىزىعۋشىلىعىن ارتتىرۋعا، پاتريوتيزمدى نىعايتۋعا، الەۋمەتتىك بەلسەندىلىكتى دامىتۋعا باعىتتالعان ءبىرقاتار شارالاردى جوسپارلادىق»، - دەدى باسقارما باسشىسى ماركەن احمەتوۆ.

ونىڭ ايتۋىنشا، «جەڭىس ەستافتاسى» بۇل - كەشەندى ءىس-شارالار، وندا «باتىرلار ءبىزدىڭ ارامىزدا» دەگەن اتاۋمەن الەۋمەتتىك بەينە روليكتەر ءتۇسىرۋ كوزدەلگەن، سول ارقىلى راقىمجان قوشقاربايەۆ، باۋىرجان مومىش ۇلى، ءاليا مولداعۇلوۆا سيقتى ۇلى وتان سوعىسىنىڭ قاھارمان باتىرلارىن، سونداي-اق قالىڭ جۇرتشىلىققا بەلگىسىز بولىپ كەلگەن ەرجۇرەك وتانداستارىمىزدى كورسەتۋ.

«سونىمەن قاتار، قازىرگى ستريت-ارت سۋرەتشىلەردىڭ سوعىس تاقىرىبىنا كورمەسىن وتكىزۋ، «ىزگى ىستەر ەستافەتاسى» اۋقىمىندا جوعارى وقۋ ورىندارى ستۋدەنتتەرىنىڭ سوعىس ارداگەرلەرىنە قامقورلىق جاساعان يگىلىكتى ىستەرىن باسقا جوعارى وقۋ ورىندارىنا تاراتۋ جوسپارلانۋدا»، - دەدى م. احمەتوۆ.

ول قازىردە ۇلى وتان سوعىسى ارداگەرلەرى ءۇشىن сall-ورتالىق (2-70-1945 نومىرىمەن) قۇرىلعانىن جەتكىزدى. شۇعىل جەلى تەستىلىك رەجيمدە جۇمىسىن باستادى.

«сall-ورتالىق ماقساتتارىنىڭ ءبىرى - ارداگەرلەردى قولداۋعا مۇددەلى ۇيىمدارمەن جانە جەكە ادامدارمەن ىنتىماقتاستىق ءۇشىن جاعداي جاساۋ. سونىمەن بىرگە، ورتالىق جاستار ۇيىمدارىمەن جانە الماتى قالاسى ارداگەرلەر كەڭەسىمەن تۇراقتى ديالوگتى جولعا قويادى»، - دەدى باسقارما جەتەكشىسى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى