قازاقستاندىق اۋەسقوي سپورتشىلار ءابۋ-دابيدەگى ترياتلوننان الەمدىك جارىستارعا قاتىسۋدا
ترياتلون - سپورتتىڭ ءۇش ءتۇرىن - سۋعا ءجۇزۋ، ۆەلوسيپەدپەن جارىسۋ، جۇگىرۋدىڭ باسىن قوسقان سپورت ءتۇرى. ءابۋ-دابيدەگى جارىستار ءۇش قاشىقتىقتا وتەدى: سپرينت قاشىقتىعى - 500 مەترگە اشىق سۋدا ءجۇزۋ، 20 شاقىرىمدىق ۆەلوسيپەد جارىسى، 5 شاقىرىمعا - جۇگىرۋ؛ وليمپيادالىق قاشىقتىق - 1,5 شاقىرىمعا اشىق سۋدا ءجۇزۋ، 40 شاقىرىمدىق ۆەلوجارىس، 10 شاقىرىمعا جۇگىرۋ؛ ۇلكەن قاشىقتىققا جارىستار - 2 شاقىرىمعا اشىق سۋدا ءجۇزۋ، 80 شاقىرىمدىق ۆەلوجارىس جانە 20 شاقىرىمعا جۇگىرۋ.
جارىستارعا بۇكىل الەمنەن بارلىعى ەكى مىڭنان استام اۋەسقوي سپورتشىلار، سونداي-اق جۇزگە تارتا كاسىبي ترياتلەتتەر، سونىڭ ىشىندە ترياتلوننان وليمپيادا جۇلدەگەرلەرى قاتىسادى.
العاش رەت قازاقستاندىق اۋەسقوي، كاسىبي ەمەس سپورتشىلار بۇل جارىستارعا ۇيىمشىلدىقپەن قاتىسۋدا.
قازاقستاندىق اۋەسقويلىق ترياتلون فەدەراتسياسىنىڭ قامقورشىلىعىمەن 30 دان استام اۋەسقوي سپورتشى بارلىق قاشىقتىقتا جانە بارلىق جاس ساناتتارىندا سايىستارعا تۇسەدى.
قازاقستاندىقتاردىڭ كوپشىلىگى وليمپيادالىق قاشىقتىققا قاتىسۋعا تىركەلگەن. قازاقستاندىق اۋەسقويلىق ترياتلون فەدەراتسياسى - 2014-جىلعى جەلتوقساندا قۇرىلعان قوعامدىق ۇيىم.
2015-جىلى اقپاندا الماتى قالاسى فەدەراتسياسىنىڭ باستاماسىممەن العاشقى جالپى قالالىق INDOOR ترياتلون ءوتتى، وندا باسسەيندە ءجۇزۋ، ۆەلوترەنا جەردە سايىسۋ، جولعا جۇگىرۋ جارىستارى بولدى. وسى جارىستىڭ جەڭىمپازى شىمكەنت قالاسىنان سارداربەك بەكتايەۆ تا فەدەراتسيا قولداۋىمەن ءابۋ-دابيدەگى جارىستارعا قاتىسادى. جارىستارعا سونداي-اق الەمگە بەلگىلى قازاقستاندىق الپينيست، الەمنىڭ بارلىق سەگىز مىڭدىق شىڭدارىن باعىندىرعان مۇرات جۇمايەۆ تا قاتىسىپ، ترياتلوندا باعىن سىناماق.
جارىسقا جانكۇيەر رەتىندە گيننەسستىڭ رەكوردتار كىتابىنىڭ جەتى دۇركىن رەكوردشىسى، الەمنىڭ ءىرى شولدەرىن جەكەلەي باسىپ وتكەن مارافونشى، حالىقارالىق دەڭگەيدەگى سپورت شەبەرى، قازاقستاندىق اۋەسقوي ترياتلون فەدەراتسياسىنىڭ ۆيتسە-پرەزيدەنتى مارات جىلانبايەۆ تا اتتاندى.
