ءا. يسەكەشەۆ قازاقستاندىق-امەريكاندىق ونلاين- كونفەرەنسياعا قاتىستى
ونلاين- كونفەرەنسيانىڭ تاقىرىبى - قازاقستان رەسپۋبليكاسىنىڭ ينۆەستيتسيالىق احۋالى».
شاراعا قازاقستاندىق تاراپتان اسەت يسەكەشەۆ باستاعان ينۆەستيتسيالار جانە دامۋ مينيسترلىگىنىڭ وكىلدەرى قاتىستى. امەريكاندىق تاراپتان ماسساچۋسەت تەحنولوگيالىق ينستيتۋتى بيزنەس مەكتەبىنىڭ، بوستون ۋنيۆەرسيتەتىنىڭ جانە پەنسيلۆانيا مەملەكەتتىك ۋنيۆەرسيتەتىنىڭ پروفەسسور-وقىتۋشىلار قۇرامى مەن ستۋدەنتتەرى بولدى. سونداي-اق گارۆارد جانە ازيالىق بيزنەس- كلۋبتار وكىلدەرى شاقىرىلدى.
شارا بارىسىندا تاراپتار زاماناۋي مۋلتيمەديالىق تەحنولوگيالاردىڭ كومەگىمەن تىكەلەي بەينەكوپىر فورماتىندا قازاقستانعا ينۆەستيتسيا سالۋمەن بايلانىستى كەڭ اۋقىمدى ماسەلەلەردى تالقىلادى.
شارا «قازاقستان-2050» جالپى ۇلتتىق قوزعالىسىنىڭ «Invest in Kazakhstan» جوباسى اياسىندا ۇيىمداستىرىلدى. ونىڭ ماقساتى - قازاقستانعا ينۆەستيتسيا قۇيۋعا مۇمكىندىگى بار شەتەلدىك بيزنەستىڭ حاباردارلىعى دەڭگەيىن ارتتىرۋ بولدى.
بۇدان ءارى وسىنداي ديالوگ الاڭدارىن ءبىرقاتار ەۋروپالىق جانە ازيالىق ەلدەردە وتكىزۋ جوسپارلانۋدا.
