دارىگەرلەر: تۇندە تاماق جەۋ ەستە ساقتاۋ قابىلەتىن تومەندەتەدى
بەلگىلى بولعانداي، مەزگىلسىز ۋاقىتتا جانە تىم كەش تاماق جەۋ ادامنىڭ ەستە ساقتاۋ قابىلەتىنە كەرى اسەرىن تيگىزەدى ەكەن.
ونى عالىمدار بىلاي تۇسىندىرەدى: ادامنىڭ 24 ساعاتقا بەيىمدەلگەن بيوريتمى بار. سوندىقتان تۇنگى ۋاقىتتا ادام اعزاسى تىنىعۋعا، دەمالۋعا ءوزىن بەيىمدەپ تۇراتىن كورىنەدى. وسى كەزدە اسقازانعا اس تۇسسە، ول سونى قورىتۋ ءۇشىن ءوز بيوريتمىنەن وزگەرتەدى. سونىڭ كەسىرىنەن ۇيقى ۋاقىتى كەيىنىرەك شەگەرىلەدى. بۇل ءوز كەزەگىندە ادامنىڭ بۇرىنعى وتكەن ۋاقىتتاردا بولعان دۇنيەلەردى ەستە ساقتاۋعا جاۋاپ بەرەتىن مي بولىگىنە كۇش ءتۇسىرىپ، ول ءوز قىزمەتىن ءجوندى اتقارا المايدى. مىنە، وسىلايشا ادام كوپ ۋاقىت بۇرىن، كەيدە جۋىق ارادا بولعان كەي جايتتاردى ەسىنە تۇسىرە الماي قينالاتىن كورىنەدى.
عالىمدار وسى عىلىمي جاڭالىق ۇيقىسىزدىق دەرتىنە شالدىققان ادامدارعا پايدالى بولۋى مۇمكىن دەپ وتىر. ولار وسى دەرتتەن زيان شەگىپ جۇرگەن جانداردىڭ تاماق ءىشۋ ۋاقىتىن رەتتەۋ ارقىلى ولاردى ۇيقىسىزدىقتان ەمدەپ كورمەك.
