پاۆلوداردا كوكتەمگى سۋ تاسقىنىنا دايىندىق جۇمىستارى باستالدى
ول ءوڭىر اۋماعىندا جۇرگىزىلگەن كوپتەگەن بايقاۋلار مەن مونيتورينگتىڭ ناتيجەسىندە سۋ تاسقىنى كەزىندە ەڭ وسال 14 ەلدى مەكەننىڭ انىقتالعانىن اتاپ ءوتتى.
وسى اۋىلدارداعى تاسقىننىڭ ءوتۋ كەزەڭى اكىمدىكتەر، سونداي- اق ت ج- دىڭ وبلىستىق جانە اۋداندىق قىزمەتتەرىمەن ەرەكشە باقىلاۋعا الىنادى.
ەلدى مەكەندەردى سۋ باسۋىن بولدىرماۋ ءۇشىن كوممۋنالدىق قىزمەتتەر 644 مىڭنان استام توننا قاردى شىعارىپ تاستادى. قاردى جيناۋعا ارنايى تەحنيكانىڭ 546 بىرلىگى مەن 805 ادام جۇمىلدىرىلعان.
توتەنشە جاعدايلاردىڭ تۋىنداۋى جاعدايىندا قالالار مەن اۋدان اكىمدىكتەرى 91,4 مىڭ دانا ىدىس- قاپتار، 12,2 مىڭ توننا كولەمىندەگى ينەرتتى ماتەريال قورلارىن جيناقتادى. اۆتوموبيل جولدارى ۋچاسكەلەرىن سۋمەن شايىلۋىن بولدىرماۋ جانە كولىكتەردىڭ ۇزدىكسىز قوزعالىسىن قامتاماسىز ەتۋ ءۇشىن جول قىزمەتتەرى مىڭنان استام سۋ وتكىزۋشى قۇبىرلارىن تازالاۋ جۇمىستارىن جۇرگىزۋ ۇستىندە.
وبلىس اۋماعىندا ەگەر ونداي جاعدايلار ورىن السا، سۋ دەڭگەيىنىڭ كوتەرىلۋى سالدارىن جويۋ ءۇشىن 1211 ادام، 454 تەحنيكا بىرلىگى جانە ءجۇزۋ قۇرالدارىنىڭ 43 بىرلىگى جۇمىلدىرىلماق.
