قوعام ءتارتىبىن كۇزەتكەن ارۋ - ءمادينا قاقابايەۆا

پوليتسەيلەر قاتارىنداعى ارۋلار جۇمىسىنا جاۋاپكەرشىلىكپەن، بارىنە بايىپپەن قارايدى.

بۇل ازاماتتارمەن جۇمىس جاساۋدا اسا ماڭىزدى قاسيەت ەكەنى انىق. پاۆلوداردا 8 - ناۋرىز مەيرامى قارساڭىندا قۇقىق قورعاۋ سالاسىنىڭ ارۋلارى اراسىندا جىل سايىن «قانەكەي قىزدار» اتتى سۇلۋلىق بايقاۋى ءوتىپ تۇرادى.

بيىلعى جىلعى سايىستا وبلىستىق كوشى- قون پوليتسياسىنىڭ 23 جاستاعى قىزمەتكەرى مادينا قاقابايەۆا جەڭىسكە جەتتى. تاڭەرتەڭ ەرتە تۇرۋ، كەزەكتى رەيدكە شىعۋ جانە قۇقىق بۇزۋشىلارمەن كۇرەس. بۇنىڭ ءبارى پاۆلودارلىق پوليتسەي ءمادينا قاقابايەۆانىڭ ۇيرەنشىكتى ىسىنە اينالعان. بويجەتكەن بىلتىر الماتىداعى ىشكى ىستەر مينيسترلىگىنە قاراستى پوليتسيا اكادەمياسىن ۇزدىك ءتامامداعان.

قازىر پاۆلودار وبلىستىق كوشى- قون پوليتسياسىندا لەيتەنانت بولىپ قىزمەت ەتەدى. ءمادينا قاقابايەۆا، پاۆلودار وبلىستىق ءى ءى د كوشى- قون پوليتسياسىنىڭ ينسپەكتورى - ارينە، قۇقىق قورعاۋ سالاسىندا جۇمىس ىستەۋ ماعان قاتتى ۇنايدى. وسى ماماندىقتى تاڭداعانىما قۋانىشتىمىن. مەنىڭ وتباسىمدا اتام دا وسى سالادا 40 جىلعا جۋىق قىزمەت ەتتى.

پوليتسيادا پولكوۆنيك بولدى. ەندى قازىر مەن اتامنىڭ ءىزىن جالعاستىرىپ كەلەمىن. پوليتسيادا جۇمىس ىستەۋ جاۋاپتى. مەن قيىندىقتاردان قورىقپايمىن. ءمادينا 1 جىل ۋاقىت ىشىندە جۇمىستا قاتارلاستارىنىڭ الدى بولىپ ۇلگەردى. ول قىزمەتىنە اسقان جاۋاپكەرشىلىكپەن قارايدى. جالپى پوليتسيا باسشىلىعى تاراپىنان قۇقىق قورعاۋ سالاسىنداعى ارۋلارعا ۇنەمى ۇلكەن نازار اۋدارىلىپ وتىرادى.

ەرمەك ساتىبالدينوۆ، پاۆلودار وبلىستىق ءىءى د كوشى- قون پوليتسياسى باسشىسىنىڭ ورىنباسارى:  

- وسى قۇقىق قورعاۋ سالاسىندا كوپتەگەن ايەل ازاماتتار جۇمىس ىستەيدى. ءبىزدىڭ ءوزىمىزدىڭ ۇجىمىمىزدا 11 ايەل ادام قىزمەت جاسايدى.

ارينە، وسى سالادا جۇمىس ىستەۋ دەگەن وڭاي ەمەس. ءبىز ءوز تاراپىمىزدان ولارعا اجەپتاۋىر كومەك كورسەتەمىز.

پوليتسيا قاتارىندا قىزمەت ەتىپ جۇرگەن نازىك جاندى ارۋلارىمىز تەمىردەي تارتىپكە ۇيرەنگەن. ولار جۇمىس، مەرەكە كۇندەرىندە دە، كەز كەلگەن جاعدايعا ۇنەمى ساقاداي ساي.

ەرحان تاتكەن، ءتىلشى:

- پوليتسەيلەرگە ارتىلاتىن جۇك جەڭىل ەمەس. الايدا وسى سالادا قىزمەت ەتىپ كەلە جاتقان ارۋلارىمىز جۇمىستارىن ابىرويمەن اتقارىپ كەلەدى.

بيىلعى جىلى مادينا قاقابايەۆا نازىك جاندى پوليتسەيلەردىڭ اراسىندا ءداستۇرلى تۇردە وتكىزىلىپ جۇرگەن «قانەكەي قىزدار» اتتى وبلىستىق ونەر بايقاۋىندا توپ جاردى. ول ءوزىنىڭ جان- جاقتىلىق، ىسكەرلىك قاسيەتتەرىنىڭ ارقاسىندا قازىلار القاسىنىڭ كولىنەن شىعا ءبىلدى. سونداي- اق سۇلۋلىعىمەن دە ەرەكشەلەندى. ءمادينانىڭ اناسى ونىڭ بۇل جەتىستىگىن ءاردايىم ماقتانىشپەن ايتادى. ال ءسىڭلىسى ينديرا مەكتەپتى بىتىرگەن سوڭ، اپكە جولىن قۋعىسى كەلەدى.

ينديرا قاقابايەۆا، ءسىڭلىسى:

- ءوزىم 10-سىنىپتا وقيمىن. وسى اپكەم مادينا مەن اتام قابىكەننىڭ جەتىستىكتەرىن كورە وتىرىپ، باقىلاي وتىرىپ، ءوزىم وسى قۇقىق قورعاۋ سالاسىندا جۇمىس ىستەگىم كەلەدى.

ءمادينا قاقابايەۆا، پاۆلودار وبلىستىق ءىءى د كوشى- قون پوليتسياسىنىڭ ينسپەكتورى:

- 8 - ناۋرىز كوكتەم مەرەكەسىن اسىعا كۇتەمىن. بۇل مەيرام بارشا ارۋلاردىڭ مەيرامى عوي. بارشا ارۋلاردى وسى كوكتەم مەرەكەسىمەن قۇتتىقتايمىن. ءمادينا قازىر الدىنا ۇلكەن ماقسات قويىپ وتىر. ونىڭ ارمانى -  تۋعان ەلدىڭ دامۋىنا ءوز ۇلەسىن قوسۋ.

ww.khabar.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى