رەسەي كەسكىندەمە ونەرىنىڭ تانىمال وكىلدەرى - استانادا

وندا استانالىق تۇرعىنداردىڭ نازارىنا «ەرارتا» زاماناۋي ونەر مۋزەيىنىڭ جيناعىنان رەسەي سۋرەتشىلەرى ۇسىنعان 60 تۋىندى قويىلىپ وتىر.

كورمەنى ق ر مادەنيەت جانە سپورت مينيستەرلىگى مەن ر ف مادەنيەت مينيسترلىگىنىڭ قولداۋىمەن ق ر ۇلتتىق مۋزەيى جانە «ەرارتا» زاماناۋي ونەر مۋزەيى بىرلەسىپ وتكىزىپ وتىر.

«رەسەيدىڭ زاماناۋي كوركەمسۋرەتى» اتتى كورمە ارقىلى ۇلتتىق مۋزەي ق ر مادەنيەت ساياساتىنىڭ تۇجىرىمداماسى اياسىندا جۇزەگە اسىرىلاتىن «الەمدىك مادەنيەت جانە زاماناۋي ونەر» جوباسىن اشادى.

«رەسەيدىڭ زاماناۋي كوركەمسۋرەتى» اتتى كورمەگە 28 سۋرەتشىنىڭ جۇمىسى قويىلعان. ولاردىڭ اراسىندا ۆالەري لۋككا، اناتولي زاسلاۆسكي، فەليكس ۆولوسەنكوۆ، ەلەنا فيگۋرينا، نيكولاي ساجين باستاعان قالىپتاسقان تانىمال تۇلعالار مەن ۆيتاليي پۋشنيتسكي، يليا گاپونوۆ، الەكساندر داشيەۆسكيي سىندى جاس سۋرەتشىلەر بار.

كورمەگە ۆلاديمير وۆچيننيكوۆ، ۆلادلەن گاۆريلچيك، اناتولي باسين سەكىلدى لەنينگرادتتىق سۋرەتشىلەردىڭ تۋىندىلارى ەنگىزىلگەن. مۇندا رەسەيدىڭ وزەكتى ونەرىن تانىتىپ جۇرگەن ايماقتىق سۋرەتشىلەر كراسنودارلىق ۆلاديمير ميگاچيەۆتىڭ، نوۆوسىبىرلىك ماكسيم كاەتكين مەن ۆلاديمير فاتەيەۆتىڭ، ليپەتسكىلىك يۋري تاتيانيننىڭ دە سۋرەتتەرى ۇسىنىلعان.

ەرارتا مۋزەيىنىڭ كۋراتورى ۆلاديمير نازانسكيدىڭ ويلاستىرۋى بويىنشا، كورمە ەكسپوزيتسياسى شارتتى تۇردە مىناداي بولىمدەرگە بولىنگەن: «يدەنتيفيكاتسيا»، «ەكسپرەسسيونيزم»، «جاڭا بايىپتىلىق»، «مۇلتىكسىز كەسكىندەمە».

الايدا بارلىق كوركەمسۋرەتتەر ۇسىنىلعان قۇرىلىممەن سايكەس كەلە بارمەيدى. سەبەبى ولار جەكە دارا ۆيزۋالدى تاجىريبەنى كورسەتەدى.

«ەرارتا» زاماناۋي ونەر مۋزەيىنىڭ نەگىزى 2010 - جىلى قالانعان. ول رەسەيدىڭ مەملەكەتتىك ەمەس ءىرى مۋزەيلەرىنىڭ ءبىرى بولىپ تابىلادى. ونىڭ قورىندا رەسەي مەن وعان جاقىن شەت مەملەكەتتەردەگى سۋرەتشىلەردىڭ 2300 جۇمىسى بار. مۋزەي كوللەكسياسىنىڭ نەگىزىن لەنينگراد- پەتەربۋرگ كەسكىندەمە جانە مونۋمەنتالدى ونەر مەكتەبىنە قاراستى سانكت- پەتەربۋرگ سۋرەتشىلەرىنىڭ جۇمىسى قۇرايدى.

«رەسەيدىڭ زاماناۋي كوركەمسۋرەتى» اتتى كورمە مۋزەيگە كەلۋشىلەردى رەسەيدىڭ زاماناۋي كەسكىندەمە ونەرىنىڭ جارقىن وكىلدەرىمەن تانىستىرماق. كورمە 29 - ناۋرىزعا دەيىن جالعاسادى.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى