الماتى شەنەۋنىكتەرىنىڭ كوبى ايەلدەردىڭ بيلىكتە بولعانىن قالامايدى
ايەلدەر ىستەرى جانە وتباسىلىق- دەموگرافيالىق ساياسات جونىندەگى ۇلتتىق كوميسسيا مەن RRCG زەرتتەۋ ينستيتۋتىنىڭ جاساعان زەرتتەۋىنىڭ ناتيجەسى وسىنى كورسەتىپ وتىر، - دەپ حابارلايدى Tengrinews.kz ءتىلشىسى.
ساۋالناماعا قاتىسۋشىلار ءبىر ايەلدىڭ - الماتى اكىمىنىڭ ورىنباسارى زاۋرەش امانجولوۆانىڭ بيلىكتە بولعانى جەتكىلىكتى دەپ ەسەپتەيدى.
8 - ناۋرىز - ايەلدەردىڭ حالىقارالىق كۇنى قارساڭىندا 40 تان استام ەر ادامنان ساۋالناما الىندى. ولار - باسقارما ءتوراعالارى، اۋدان اكىمدەرى جانە الماتى اكىمدىگى اپپاراتىنىڭ وكىلدەرى. زەرتتەۋدە قازاقستاننىڭ ۇكىمەتتە ايەلدەردىڭ ۇلەس سالماعىن 30 پايىزدىق كورسەتكىشكە قول جەتكىزە الماي وتىرعانى جانە تاعايىنداۋلار جايلى شەشىمدەردى ەر ادامداردىڭ قابىلدايتىنى ايتىلادى.
«جوعارى باسشىلىقتا نەلىكتەن ايەلدەر ەرلەرگە قاراعاندا، از؟» دەگەن سۇراققا ەر ادامداردىڭ 33 پايىزى «تاريحي تۇرعىدان سولاي قالىپتاسقانىن» ايتتى جانە تاعى 33 پايىزى ايەلدەردىڭ «كوبىنە ءۇي شارۋاسىمەن» اينالىساتىنىن جەتكىزدى. رەسپوندەنتتەردىڭ 13 پايىزى ەركەكتەردىڭ ايەلدەرگە قاراعاندا جاقسى باسقاراتىنىن، تاعى 13 پايىزى جاۋاپ بەرۋگە قينالاتىنىن ايتتى. سۇراۋ سالىنعانداردىڭ جەتى پايىزى قازىرگى قوعامنىڭ ايەلدى باسشىلىققا جىبەرمەيتىنىنە سەنىمدى.
باسشىلىقتاعى ەر ادامدار ايەل بويىنداعى تارتىپشىلدىك، ۇقىپتىلىق، ۇستامدىلىق دەگەن سياقتى قاسيەتتەردى باعالايتىن بولىپ شىقتى.
شەنەۋنىكتەردىڭ باسىم بولىگى ول ءۇشىن ارنايى كۆوتا ەنگىزۋگە قاجەتتىلىك جوق دەپ ەسەپتەيدى. ولاردىڭ پىكىرىنشە، تاعايىنداۋلار ءماجبۇرلى تۇردە ەمەس، قالىپتى تۇردە بولۋى كەرەك. ايەلدەردىڭ بيلىكتە كوپ بولماۋىنىڭ تاعى ءبىر سەبەبى - ەركەكتەردىڭ ايەلدەردىڭ بويىنان شابىت كورمەيتىندىگىندە. «شەنەۋنىكتەردىڭ باسىم بولىگى قالا اكىمى قىزمەتىنە ايەل ادامنىڭ كەلۋىن قولدامايدى. جورامالمەن ايتسا دا، سولاي. ءتىپتى «اكىمنىڭ ورىنباسارلارىنىڭ ءبىرى ايەل جانە وسىنىڭ ءوزى كوپ» دەگەن ءازىل ايتادى»، - دەلىنگەن زەرتتەۋدە.
دەسە دە، ەر ادامداردىڭ باسىم بولىگى ايەل ساياساتىنىڭ تۇجىرىمداماسىن قولداپ وتىر. ساياسات سالاسىنداعى ايەلدەردىڭ جەتكىلىكتى نەمەسە جەتكىلىكتى ەمەس ەكەندىگى سۇرالعاندا رەسپوندەنتتەردىڭ كوپشىلىگى گەندەرلىك دەفيتسيت تۋرالى ايتتى، ولاردىڭ ويىنشا، ساياساتتا ايەلدەر جەتىسپەيدى.
«قازاقستاندا ايەلدىڭ مانساپ جولىنداعى ەڭ بيىك ورىن قانداي؟» دەگەن ساۋالعا سۇرالعانداردىڭ جارتىسىنان كوبى ايەلدىڭ امبيتسياسىن قاناعاتتاندىراتىن بولسا، مينيستر ورىندىعىنا وتىرۋى مۇمكىن ەكەنىن ايتتى. «وسىعان قاراماستان، باسشىلار ايەل ادامدى ەل كوشباسشىسى رەتىندە كورۋگە دايىن ەمەس ەكەنىن ءبىلدىردى. وسى مالىمەتتەردى ەسەپكە الساق، پرەزيدەنتتىككە ءوزىن- ءوزى ۇسىنعان ليمانا قويشييەۆاعا قيىنعا سوعادى»، - دەلىنگەن باسپا ءسوز حابارلاماسىندا.
بۇعان دەيىن ەلدە باسشى ايەلدەردىڭ ەكى ەسەگە كوبەيگەنى حابارلانعان بولاتىن. پارلامەنت ماجىلىسىندە ايەل- دەپۋتاتتاردىڭ ۇلەسى 26 پايىزعا جەتتى.
ەسكە سالا كەتەيىك، 2 - ناۋرىزدا «2 - ناۋرىز كۇنى ورتالىق سايلاۋ كوميسسياسىنا ءوز كانديداتۋراسىن ءوزىن- ءوزى ۇسىنۋ ءتارتىبى بويىنشا اسقار جوراباي ۇلى سىرعابايەۆ ارىز بەردى. 3 - ناۋرىز كۇنى تاعى دا ءوزىن- ءوزى ۇسىنۋ تارتىبىمەن ءوز كانديداتۋرالارىن سافيوللا قالاباي ۇلى الداجانوۆ، ليمانا قويشيەۆا، باقىت تولەگەن ۇلى ابدىكارىموۆ جانە سۋحراب ءامينجان ۇلى مىرزاشوۆ ۇسىندى»، - دەلىنگەن وسك تاراتقان حابارلامادا. ءسويتىپ، كوميسسيانىڭ مالىمەتىنشە، سايلاۋ ناۋقانى بارىسىندا بەس ادام ءوزىن- ءوزى ۇسىنىپ وتىر، ونىڭ بىرەۋى - ايەل ادام.
