قىرعىزستاندا داۋعا قالعان «سەبات» تۇرىك مەكتەپتەرى جابىلۋى مۇمكىن
اتالعان ماسەلەگە قاتىستى تۇركيانىڭ بۇقارالىق اقپارات قۇرالدارىندا «سەبات» قىزمەتكەرلەرىن ايىپتاعان ءبىرقاتار ماقالالار جارىق كوردى.
وندا تۇركيا ازاماتتارى ەسەك سويىپ، كونديتسياعا سايكەس ەمەس ەت ءونىمىن ءبىلىم مەكەمەلەرىندەگى اسحانالارعا جەتكىزدى دەپ جازىلعان.
بۇعان دەيىن قىرعىزستان ب ا ق- تارىندا توكموك قالاسىنداعى «سەبات» تۇرىك ليتسەيى وقۋشىلارىنىڭ ساپاسىز ءسۇت ءونىمىن ءىشىپ، ۋلانعانى، سول ءۇشىن ءبىلىم مەكەمەسى قىزمەتىن توقتاتقانى تۋرالى دا ماقالالار جاريالانعان.
بۇگىن پارلامەنت وتىرىسىندا ءسوز سويلەگەن س د پ ك فراكسياسىنىڭ دەپۋتاتى ەركين ساكەبايەۆ توكموك قالاسىنداعى «سەبات» ليتسەيىنە جۇرگىزىلگەن تەكسەرۋ قورىتىندىلارىن مالىمدەدى.
ونىڭ ايتۋىنشا، ليتسەيدە كۇنىنە 4 رەت ىستىق تاماق بەرىلەدى. ال، بالالار جاپپاي ۋلانعان 20 - اقپان كۇنى ليتسەيدە تاڭعى اسقا قايماعى الىنباعان ءسۇت قوسىلعان ىرىمشىك، ءشاي جانە نان بەرىلگەن. ساعات 11.00-16.00 ارالىعىندا مەديتسينالىق ورىنعا تاماقتان ۋلانۋ بەلگىسىمەن 57 بالا شاعىمدانىپتى.
«ولارعا مەديتسينالىق كومەك كورسەتىلگەنىمەن، 12 ادام توكموك قالاسى اۋرۋحاناسىنىڭ جۇقپالى اۋرۋلار بولىمىنە جاتقىزىلدى. تەكسەرىس كەزىندە سانيتارلىق- گيگيەنالىق نورمالار قويىلعان تالاپتارعا سايكەس ەمەستىگى انىقتالدى»، - دەدى دەپۋتات ە. سەكەبايەۆ.
ق ر پرالامەنتى «اتا- جۇرت» فراكسياسىنىڭ دەپۋتاتى جىلدىزقان جولداشيەۆا قىرعىزستانداعى بارلىق «سەبات» ليتسەيلەرىنىڭ قىزمەتىن تەكسەرۋ جانە زاڭ بۇزۋ انىقتالعان جاعدايدا ولاردى جابۋ كەرەكتىگىن ايتتى.
«مەن سايتتاردان تۇركيا پرەزيدەنتى رەدجەپ تايىپ ەردوعاننىڭ اتالعان مەكتەپتەر تۋرالى جاعىمسىز پىكىر بىلدىرگەنى تۋرالى وقىعان ەدىم. ارىپتەستەرىمدى بۇل ءبىلىم مەكەمەلەرىنە مۇقيات نازار اۋدارۋعا شاقىرامىن. ولاردى قۇقىق قورعاۋ ورگاندارى نەمەسە ۇكىمەت قۇرعان كوميسسيا تەكسەرسىن. تەك، سانيتارلىق نورمالاردىڭ ساقتالۋىن عانا ەمەس، بارلىق وقۋ باعدارلاماسىن دا تەكسەرۋ قاجەت»، - دەدى دەپۋتات.
«تۇركيا پرەزيدەنتى ر. ەردوعان ءدىني كوسەم فەتۋللاح گۇلەننىڭ «پاراللەل قۇرىلىمدارىن» تۇرىك مەملەكەتىن جويۋ ماقساتىمەن مەكتەپ- ليتسەيلەر جەلىسى ارقىلى قاراجات جيناعانىن ايىپتاعان. گۇلەن باعدارلامالارى بويىنشا مەكتەپتەر جەلىسى تۇركيا جانە ەل سىرتىنداعى ءبىلىم بەرۋ مەكەمەلەرىن (سونىڭ ىشىندە «سەبات» مەكتەپتەر جەلىسى) قامتىپ وتىر.
ال وسى اتالعان ماسەلەگە قاتىستى قىرعىزستانداعى «سەبات» ءبىلىم مەكەمەلەرىنىڭ پرەزيدەنتى ورحان ينان تۇرىك باسىلىمدارىن ەسەك ەتىنە ەتىن ۆەدومستۆو قاراماعىنداعى مەكتەپتەردەگى اسحانالارعا جەتكىزگەنى تۋرالى جالعان اقپارات ءۇشىن سوتقا بەرەتىنىن مالىمدەدى.
