الماتىدا «ۇلتتىق ويىندار - حالىق مۇراسى» كورمەسى ءوتتى

شارا يۋنەسكو- نىڭ 70 جىلدىق مەرەيتويى اياسىندا وتكىزىلىپ وتىر.

قازاق حالقىنىڭ ءداستۇرلى مادەنيەتىنە ارنالعان كورمەدە قازاقستاننىڭ بەلگىلى قىلقالام شەبەرلەرى ق. تەلجانوۆ، ە. سيدوركين، ن. گايەۆ، ا. گۋريەۆ، س. ايتبايەۆ، ءا. سىدىحانوۆ، ت. توعىسبايەۆ، ە. تولەپبايەۆ، و. نۇرجۇمايەۆ، ك. ماماقوۆتىڭ كەسكىندەمە، گرافيكا جانە ءمۇسىن جۇمىستارى قويىلعان.

بۇل جۇمىستار قازاقتىڭ ۇلتتىق ويىندارىنىڭ رۋحاني كۇشىن، زياتكەرلىك جانە باسقا سپورتتىق تۇرلەرىنىڭ ءتالىم- تاربيەلىك جانە تانىمدىق ءمانىن كورسەتەدى.

«اقىن وبرازىن اشاتىن ا. گۋريەۆتىڭ «اقىنى»، ءا. سىدىحانوۆ پەن ۆ. كولودەنكونىڭ «ايتىسى» ءسوز ونەرى - سۋىرىپ سالما ايتىسقا ارنالعان. قازاقستان سۋرەتشىلەرىنىڭ شىعارماشىلىعىندا قازاقتىڭ ات سپورتى - اۋدارىسپاق، بايگە، كوكپار، قىز قۋۋ تاقىرىبى كەڭىنەن تاراعان»، - دەدى مۋزەيدىڭ قولونەر ءبولىمىنىڭ جەتەكشىسى گۇلايىم جۇمابەكوۆا.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى