اقتوبەدە ورىنبورلىق ءتۇبىت شالىلەر كورمەسى وتۋدە

رەسەي شەبەرلەرىنىڭ 30 دان استام تۋىندىسى كوپشىلىك نازارىنا ۇسىنىلدى. ورىنبورلىق ءتۇبىت شالىلەر ەڭ العاش رەت 1857 - جىلى پاريجدە وتكەن حالىقارالىق كورمەدە ۇسىنىلعان.

ساقينادان سىناپتاي سىرعىپ وتەتىن ساپالى ورامالدار قىستىڭ قاھارلى سۋىعىنا دا توتەپ بەرەدى. قايتالانباس ورنەگىمەن ەرەكشەلەنەتىن شالىلەر قاشان دا ساننەن قالعان ەمەس.

ءالى كۇنگە دەيىن شەبەرلەر ەشكى ءجۇنىن قولمەن تاراپ، ۇرشىقپەن ءيىرىپ، سىممەن توقيدى. ۇرپاقتان- ۇرپاققا ميراس بولىپ كەلە جاتقان بۇل ونەر قازىر دە جالعاسىن تاۋىپ كەلەدى. اقتوبەلىك ارۋلاردىڭ ەندى ءبىر اي بويىنا ءتۇبىت شالىلەردى تاماشالاپ قانا قويماي، تاڭداعانىن ساتىپ الۋعا مۇمكىندىگى بار.

ءنازيرا تابىلدينوۆا، اقتوبە وبلىستىق مادەنيەت باسقارماسىنىڭ باسشىسى:

- بۇل كورمە 18 جىل بۇرىن باستاماسىن العان بولاتۇعىن. تاريحى وتە تەرەڭ، ويتكەنى ەكى ەل اراسىندا ەكى وبلىس اراسىندا قارىم- قاتىناستارىمىز جىلدان- جىلعا نىعايىپ، كوپتەگەن مادەني شارا ۇيىمداستىرىلىپ وتىرادى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى