رەسەي بەنزينىنە تىيىم سالۋ - جانار- جاعارماي باعاسىنا اسەر ەتپەيدى
«ءبىزدىڭ مۇناي وڭدەۋ زاۋىتتارىمىزدا جاڭعىرتۋ جۇرۋدە. 2016 - جىلى ول جۇمىس اياقتالادى دەپ كۇتىلۋدە. وعان دەيىن ءبىزدىڭ نارىقتا جوعارى وكتاندى جانار- جاعارماي مەن ديزەل وتىنى جەتىسپەۋشىلىك بايقالۋدا جانە ادەتتە رەسەي فەدەراتسياسىنان جەتكىزىلەتىن يمپورتتىڭ ەسەبىنەن تولىقتىرىلىپ كەلەدى.
ر ف يمپورتتالاتىن جەتىسپەيتىن وتىن كولەمى بويىنشا قارىم- قاتىناس قازاقستان مەن رەسەي اراسىنداعى ينديكاتيۆتى بالانس نەگىزىندە رەتتەلەدى. اعىمداعى جىلى ينديكاتيۆتى بالانس ەرەجەسىنە سايكەس، قازاقستاننىڭ ىشكى نارىعىنا جەتىسپەيتىن وتىن كولەمىن تولىقتىرۋ ءۇشىن رەسەيدەن يمپورتتالاتىن اۆتوكولىك بەنزينىنىڭ كولەمى 1 ميلليون 100 مىڭ توننانى، ال ديزەل وتىنى 520 مىڭ توننانى قۇرايدى. اتالمىش وتىن كولەمىن رەسەيدەن قازاقستانعا جەتكىزۋ بەكىتىلگەن گرافيككە سايكەس كۇنتىزبەلىك، ايماقتىق جانە تاعى باسقا جىل سايىنعى ەلىمىزدە وتىندى پايدالانۋ جورامالى بويىنشا اي سايىنعى مەرزىمگە جوسپارلانعان»، - دەدى ول تىلشىلەرگە بەرگەن باسپا ءسوز ءماسليحاتىندا.
ونىڭ ايتۋىنشا، 2015 - جىلدىڭ ەكى ايىندا يمپورتتالعان بەنزين كولەمى جوسپاردان اسىپ تۇسكەن. بۇل دەگەنىمىز - ينديكاتيۆتى بالانسقا بايلانىستى جىلدىڭ سوڭىندا جانار- جاعارماي جەتكىزىلمەي قالۋى ىقتيمال.
«2015 - جىلدىڭ قاڭتار ايىندا ينديكاتيۆتى بالانسقا سايكەس، قازاقستانعا رەسەيدەن 90 مىڭ توننا بەنزين جەتكىزۋ جوسپارلانعان بولاتىن، ال ىس جۇزىندە 180 مىڭ توننا بەنزين اكەلىندى. اقپان ايىندا اتالعان جاعداي تاعى دا قايتالاندى. جوسپارلانعان كولەم 80 مىڭ توننانى قۇراسا، اكەلىنگەن كولەم 140 مىڭ توننانى قۇرادى. ناتيجەسىندە، 2015 - جىلدىڭ قاڭتار جانە اقپان ايلارىندا قازاقستان رەسپۋبليكاسىنا بالانسقا سايكەس بەكىتىلگەن جوسپاردان تىس 150 مىڭ توننا بەنزين يمپورتتالدى. اتالعان جوسپاردان تىس ينديكاتيۆتى جوسپارعا ەنگىزىلەدى، ال بۇل 2015 - جىلدىڭ سوڭىنا دەيىنگى رەسەيدەن اكەلىنەتىن وتىن كولەمىنىڭ گرافيگىنە ءوز اسەرىن تيگىزەتىندىگىن اتاپ ءوتۋ كەرەك»، - دەدى ول.
«كولىك يەلەرىن مازالاپ جۇرگەن ءبىر ساۋال بارىن بىلەمىز، رەسەيدەن مۇناي ونىمدەرىن جەتكىزۋگە ەنگىزىلگەن ۋاقىتشا تىيىم كوپ قولدانىلاتىن بەنزين باعاسىنا (اي-92, اي-80) جانە ديزەل وتىنىنا كەرى اسەرىن بەرمەيدى»، - دەدى ول.
ەسكە سالا كەتەيىك، اتالمىش تىيىم 5 - ناۋرىزدان باستاپ ەنگىزىلدى جانە 45 كۇنگە سوزىلادى.
اۆتور: جاسۇلان جولدىبايەۆ
