قازاقستان ازيا مەن ەۋروپانىڭ ساۋدا جولدارىن قوساتىن ترانزيتتى ورتالىققا اينالماق
«قازاقستان تەمىر جولى» ا ق مەن دۋباي پورت ۋولد الەمدىك تەڭىز وپەراتورى بىرىگىپ ۇيىمداستىرعان شارادا باسقا دا وزەكتى ماسەلەلەر قوزعالدى. قازاقستاننىڭ ەۋرازيالىق كولىكتىك-لوگيستيكالىق جانە ىسكەرلىك حابقا اينالۋى تۋرالى يدەيانى العاش پرەزيدەنت ن. ءا. نازاربايەۆ جىبەك جولىن جاڭعىرتۋ تۋرالى سوزىندە قوزعادى.
بۇل ماقساتتا قازىر ەلىمىزدە قىتاي، رەسەي، پارسى شىعاناعى، ەۋرو وداق، ەۋرازيالىق كەڭىستىك باعىتتارىنداعى تاۋار اينالىمىن ارتتىراتىن جاڭا كولىكتىك دالىزدەر قالىپتاسا باستادى. بۇل جونىندە «قازاقستان تەمىر جولى» ۇ ك» پرەزيدەنتى اسقار مامين مالىمدەدى. ال ونى قالاي جۇزەگە اسىرۋعا بولاتىنى فورۋم بارىسىندا جان-جاقتى تالقىلاندى.
«ءبىز قازاقستاندىق «قورعاس» ارنايى ەكونوميكالىق ايماعى مەن اقتاۋ تەڭىز پورتى جەتەكشىلەرىمەن كەزدەسۋدە پورتتار جانە لوگيستيكا سالاسىنداعى تاجىريبەلەرىمىزبەن بولىسۋگە ءازىرمىز. بۇل قازاقستاننىڭ قازىرگى زامانعى لوگيستيكالىق حاب رەتىندە ايماقتاعى ساۋدا ترانزيتتىك الەۋەتىن كۇشەيتىپ، ەكونوميكالىق دامۋدىڭ لوكوموتيۆىنە اينالۋىنا ىقپال ەتەدى»، - دەدى شارا بارىسىندا Dubai Port World كومپانياسىنىڭ پرەزيدەنتى مۇحاممەد شاراف.
بۇعان دەيىن قول قويىلعان «قازاقستان تەمىر جولى» ۇ ك» ا ق مەن DP World اراسىنداعى كەلىسىم-شارتقا وراي، حالىقارالىق لوگيستيكالىق وپەراتور «قورعاس-شىعىس قاقپاسى» ارنايى ەكونوميكالىق ايماعى مەن اقتاۋ تەڭىز پورتىنا كەڭەستىك قىزمەت كورسەتەدى. سونىمەن قاتار الەمدىك كومپانيالارعا لوگيستيكالىق شەشىمدەردى دايارلايدى. فورۋم بارىسىندا شەتەلدىك ينۆەستورلاردىڭ قاتىسۋىمەن قازاقستاننىڭ كولىكتىك-لوگيستيكالىق جۇيەسىن جەتىلدىرۋ مەن ترانزيتتىك الەۋەتىن دامىتۋدىڭ جوبالارى تالقىلاندى.
«دۋباي ءىرى الەمدىك كومپانيالاردىڭ جانە لوگيستيكالىق قۇرىلىمداردىڭ باسىن ءبىر جەرگە بىرىكتىرىپ وتىر. حالىقارالىق فورۋم قازاقستاننىڭ ەۋرازيا قۇرلىعىندا لوگيستيكالىق حاب جاساقتاۋىنا ءوز سەپتىگىن تيگىزۋ ءتيىس»، - دەپ ءوز پىكىرىمەن ءبولىستى «قازاقستان تەمىر جولى» ۇ ك» ا ق ۆيتسە-پرەزيدەنتى قانات الپىسبايەۆ.
ساراپشىلار 2014-جىلى ايماقتاعى ساۋدا اينالىمى 800 ميلليارد ا ق ش دوللارىن قۇراسا، 2020-جىلعا دەيىن 1,2 تريلليون ا ق ش دوللارىنا جەتەدى دەگەن بولجام جاساپ وتىر. ال قىتاي مەن ەۋروپا ارالىعىنداعى جۇك تاسىمالى 170 ميلليون توننانى قۇراۋى ءتيىس.
