ساۋد ارابياسى ازيا ەلدەرىنە ارنالعان جەڭىلدىكتى الىپ تاستادى
بۇل تۋرالى ەلدىڭ مۇناي ءمينيسترى ءالي ءال- نايمي بەرليندە وتكەن ەنەرگەتيكا قاۋىپسىزدىگى جونىندەگى كونفەرەنسيادا ءمالىم ەتتى.
ەندى Arab Light ۇلگىسىندەگى 1 باررەل قارا التىننىڭ قۇنى 1 دوللار 40 سەنتكە قىمباتتايدى. سونىمەن قاتار ساۋد ارابياسىنىڭ ۇلتتىق مۇناي كومپانياسى امەريكا ءۇشىن دە ءونىمىنىڭ باعاسىن ءوسىردى.
«ازيا ەلدەرىنە ارنالعان باعا 2012 - جىلدىڭ قاڭتارىنان بەرى وسىنشالىقتى كوپ وسكەن ەمەس. كەرەك دەسەڭىز، وسىدان ءبىر اي بۇرىن دەمپينگ جاساپ، كەرىسىنشە ءونىمنىڭ ءاربىر باررەلىنە 90 سەنتتەن جەڭىلدىك جاساعان بولاتىن. دەمەك، بۇل - ساۋد ارابياسىنىڭ الەمدىك مۇناي نارىعىنداعى دىتتەگەن ماقساتىنا جەتتى دەگەن ءسوز»، - دەپ توپشىلايدى حالىقارالىق ساراپشىلار.
الايدا مامانداردىڭ ايتۋىنشا، رەسمي ءار- ريادتىڭ شيكىزات باعاسىن كوتەرۋى مۇناي باعاسىنىڭ وسۋىنە اسەر ەتپەيدى. ويتكەنى قارا التىنعا دەگەن سۇرانىس ءالى دە تومەن.
