اقتوبە ارداگەرلەرىنە «دابىل» تۇيمەشەسى بار ۇيالى تەلەفوندار تاپسىرىلدى - فوتو
«ەكى اپتانىڭ ىشىندە مۇنداي قوندىرعىلار وبلىستىڭ بارلىق سوعىس ارداگەرلەرىنە بەرىلەدى، - دەدى «ءومىر جولى» قوعامدىق قورىنىڭ اتقارۋشى ديرەكتورى ەرنار نۇربەكوۆ. - بۇل كادىمگى ۇيالى تەلەفون، ءبىراق تا ونىڭ شريفتىلەرى ۇلكەيتىلگەن جانە ءاربىر ارەكەت ۇستىندە دىبىستالادى. ونىڭ ارتقى جاعىنا دابىل تۇيمەشەسى قوندىرىلعان، ونىڭ كومەگىمەن ارداگەر كەز كەلگەن ۋاقىتتا كومەككە جۇگىنە الادى».
«بۇل ءۇشىن ونى باسىپ، ءۇش سەكۋند ۇستاپ تۇرسا بولعانى. - دەپ ءتۇسىندىردى ە. نۇربەكوۆ. - دابىلدى العان ءبىزدىڭ ورتالىقتىڭ ماماندارى كومەككە شاقىرعان ارداگەر جونىندە بارلىق مالىمەتتەردى كورە الادى جانە بۇل جونىندە وسى ءوڭىردىڭ شۇعىل قىزمەت ورىندارىنا اقپارات بەرەدى».
اكسيا «سامۇرىق-قازىنا» ۇلتتىق ءال-اۋقات قورىنىڭ قولداۋىمەن وتكىزىلۋدە.
اكسياعا قاتىسقان قالا اكىمىنىڭ ورىنباسارى ايگۇل ارىنعازيەۆا بۇگىنگى كۇنى قالا اۋماعىندا تۇراتىن كومەككە مۇقتاج ءاربىر ارداگەردىڭ تۇرعىن ءۇي-تۇرمىستىق جاعدايلارى تەكسەرىلگەنىن اتاپ ءوتتى.
بۇگىنگى تاڭدا اقتوبەدە 134 ۇلى وتان سوعىسىنىڭ ارداگەرى تۇرادى، ولاردىڭ ەڭ جاسى 87-دە، ەڭ ۇلكەنى - 101 جاستا.
