بەيجىڭدە بۇكىل قىتايلىق حالىق وكىلدەرى جينالىسىنىڭ جىل سايىنعى سەسسياسى جۇمىسىن باستايدى
سەسسيانى ق ح ر مەملەكەتتىك كەڭەسىنىڭ پرەمەرى لي كىشياڭ اشىپ، ۇكىمەتتىڭ 2014-جىلعى جۇمىسى تۋرالى بايانداما جاسايدى، سونداي-اق زاڭ شىعارۋشىلارعا 2015-جىلعا ارنالعان الەۋمەتتىك-ەكونوميكالىق دامۋ جوسپارىن ۇسىنادى.
حالىق قالاۋلىلارى سونداي-اق وتكەن جىلعى بيۋجەتتىڭ ورىندالۋ قورىتىندىسىمەن تانىسادى جانە اعىمداعى جىلعا ارنالعان ونىڭ جوباسىن بەكىتەدى.
15- ناۋرىزعا دەيىن سوزىلاتىن سەسسيا بارىسىندا حالىق قالاۋلىلارى جوعارعى حالىقتىق پروكۋراتۋرانىڭ جانە جوعارعى حالىق سوتىنىڭ باياندامالارىن تىڭدايدى، ءبىرقاتار زاڭدار قابىلدايدى، سونىڭ ىشىندە «زاڭنامالىق قىزمەت تۋرالى» زاڭ جوباسى دا بار.
ب ح ءو ج دەلەگاتتارىنىڭ نازارى ساياسي-اكىمشىلىك جانە الەۋمەتتىك-ەكونوميكالىق رەفورمالاردى تەرەڭدەتۋگە، سىبايلاس جەمقورلىقپەن كۇرەسكە اۋدارىلادى. مىسالعا، رۇقسات بەرۋ راسىمدەرىن وڭايلاتۋ، شاڭحاي ەركىن ساۋدا ايماعى تاجىريبەسىن كەڭەيتۋ، ءبىلىم جانە زەينەتاقى جۇيەلەرىن جەتىلدىرۋ، حالىقتى مەديتسينالىق قامتۋ، قورشاعان ورتانى قورعاۋ جانە باسقا دا ماسەلەلەر قارالادى.
قىتاي ۇكىمەتى فيسكالدىق رەفورمالاردىڭ ەكى جىلدىق باعارلاماسىن جاسادى، ونىڭ ەسەبىنەن سالىق سالۋ جانە جەرگىلىكتى اتقارۋشى ورگانداردى قارجىلاندىرۋ جاقسارا تۇسپەك.
ب ح ءو ج سەسسياسى «بكر بەلدەۋ - ءبىر جول» حالىقارالىق جوباسىن تالقىلايدى، وندا قىتاي ۇسىنعان «جاڭا نورما» جاعدايىندا ەكونوميكانى قۇرىلىمدىق وزگەرتۋ ماسەلەلەرى قارالادى.
ەسكە سالا كەتەيىك، 2013-جىلى كۇزدە قازاقستان مەن يندونەزياعا ساپارلارى كەزىندە ق ح ر ءتوراعاسى شي جينپيڭ «جىبەك جولىنىڭ ەكونوميكالىق بەلدەۋىن» جانە « ХХІ عاسىرداعى تەڭىز جىبەك جولىن» بىرلەسە وتىرىپ قالىپتاستىرۋ باستاماسىن ۇسىنعان بولاتىن.
ب ح ءو ج سەسسياسىمەن قاتار ءداستۇرلى تۇردە بۇكىل قىتايلىق حالىقتىق ساياسي كونسۋلتاتيۆتىك كەڭەسى وتەدى. ق ح ر مەملەكەتتىك كەڭەسىنىڭ ءتوراعاسى لي كىشياڭ ەكى سەسسيانىڭ قورىتىندىسىمەن 15- ناۋرىز باسپا ءسوز ءماسليحاتىن وتكىزەدى.
